دوستاستىق اياسىنداعى ءىس-شارالار

قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆ ماسكەۋدە تاۋەلسىز مەملەكەتتەر دوستاستىعى ەكونوميكالىق كەڭەسىنىڭ 69-شى وتىرىسىنىڭ جۇمىسىنا قاتىستى, دەپ حابارلادى پرەمەر-ءمينيستردىڭ ءباسپاسوز قىزمەتى. ءىس-شارا بارىسىندا ەكو­نو­مي­كالىق ىنتىماق­تاس­تىق­تىڭ كەڭ اۋقىمدى ماسەلەلەرى تالقى­لان­دى. اتاپ ايتقاندا, تمد ەكو­نوميكالىق كەڭەسىنىڭ مۇشەلەرى شارتقا قاتىسۋشى مەملەكەتتەر اراسىنداعى ەركىن ساۋدا ايماعى, مەملەكەتتىك ساتىپ الۋلاردى رەتتەۋ ەرەجەلەرى مەن پروتسەدۋرالارى تۋرالى كەلىسىم حاتتاماسىنىڭ, ەلەكتر ەنەرگەتيكاسى نىساندارىنداعى اپاتتار تۋرالى اقپارات الماسۋ تۋرالى كەلىسىمنىڭ, تمد مەملەكەتتەرى ىن­­تى­­ماق­تاستىعىنىڭ حيميا ونەر­كا­سىبى سالاسىنداعى تۇجىرىم­دا­ما­سىنىڭ جوبالارىن تالقىلادى. مۇنىڭ سىرتىندا وتىرىس­قا قاتىسۋشىلار تمد مەملەكەت­تەرىنىڭ اتوم ەنەرگياسىن بەي­بىت ماق­ساتتاردا پايدالانۋ سالا­سىن­داعى يادرولىق جانە را­ديا­تسيالىق قاۋىپسىزدىگى تۇجىرىم­داماسىن جۇزەگە اسىرۋ جونىندەگى ءبىرىن­شى كەزەكتى ءىس-شارالار جوس­پارىن, سونداي-اق, دوستاستىق مەم­لە­كەتتەرىنىڭ 2016-2020 جىلدارى جەر قويناۋىن بارلاۋ, پايدالانۋ جانە قورعاۋ جونىندەگى بىرلەسكەن جۇمىستارىنىڭ پەرسپەكتيۆالى جوسپارىن تالقىلادى. اتالعان قۇجاتتار ەلدەردىڭ ەنەرگەتيكا جانە گەولوگيالىق بارلاۋ سالاسىنداعى ىنتىماقتاستىعىن كەڭەيتە تۇسۋگە باعىتتالعان. كەڭەس مۇشەلەرى, سونداي-اق, تمد-عا مۇشە مەملەكەتتەردىڭ 2020 جىلعا دەيىنگى كەزەڭگە ارنالعان مەملەكەتارالىق يننوۆاتسيالىق ىنتىماقتاستىق باعدارلاماسىن جۇزەگە اسىرۋ بارىسىمەن دە تانىستى.