اقتوبە قالاسىندا ءۇستىمىزدەگى جىلعى العاشقى سانيتارلىق تازالىق سەنبىلىگى ۇيىمداستىرىلدى. سول كۇنى ونمىڭداعان اقتوبەلىك كوكتەمگى جالپىقالالىق سەنبىلىككە شىقتى. وبلىس ورتالىعى مەن قالاعا قاراستى بەس اۋىلدىق وكرۋگتىڭ تازالىعىن قامتاماسىز ەتۋگە مەملەكەتتىك كاسىپورىنداردىڭ قىزمەتكەرلەرى مەن جوعارى جانە ورتا ارنايى وقۋ ورىندارىنىڭ ستۋدەنتتەرى قاتىستى. ولار ءوز مەكەمەلەرى مەن وقۋ ورىندارىنىڭ اينالاسىن جانە قالا بويىنشا بەكىتىلگەن اۋماقتاردى تازارتتى. سەنبىلىكتەر بارىسىندا وبلىس ورتالىعى مەن بارلىق اۋداندارداعى ەلدى مەكەندەر قىس بويى جينالعان قوقىستار مەن تۇرمىستىق قاتتى قالدىقتار شىعارىلىپ, وزەندەر مەن سۋ قويمالارى جاعالارى قالىپقا كەلتىرىلەدى. قالانىڭ سانيتارلىق تازالىعىن قامتاماسىز ەتۋ جۇمىستارى 1 ماۋسىمعا دەيىن جالعاسادى. الدا بولاتىن سەنبىلىكتەرگە ستۋدەنتتەر جانە مەملەكەتتىك قىزمەتكەرلەرمەن ءبىرگە بارلىق مەنشىك نىسانىنداعى كاسىپورىندار مەن ۇيىمداردىڭ وكىلدەرى قاتىسادى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.