ەلباسى نۇرسۇلتان نازارباەۆ «بىرىككەن كۇرەس الەمى» حالىقارالىق فەدەراتسياسىنىڭ پرەزيدەنتى نەناد ءلالوۆيچتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى كۇرەس تۇرلەرى بويىنشا ازيانىڭ وليمپيادالىق بىلىكتىلىك ءتۋرنيرىن وتكىزۋ ماقساتىمەن استاناعا كەلگەن ن.لالوۆيچتىڭ ساپارىنا ريزاشىلىق ءبىلدىردى.
– كۇرەس – قازاقتار ءۇشىن تاريحي سپورت ءتۇرى. ءبىزدىڭ ەلدە ەجەلدەن-اق بالۋاندار كۇرەسىنسىز بىردە-ءبىر مەرەكە وتپەگەن. بۇگىندە مەملەكەت سپورتتىڭ وسى ءتۇرىن جاستار اراسىندا تانىمال ەتۋ ءۇشىن زور كۇش-جىگەر جۇمساپ وتىر, سونىڭ ارقاسىندا قازاقستان حالىقارالىق ارەنادا جوعارى ناتيجەلەرگە قول جەتكىزدى, – دەدى نۇرسۇلتان نازارباەۆ.
«بىرىككەن كۇرەس الەمى» حالىقارالىق فەدەراتسياسىنىڭ پرەزيدەنتى استانادا وتەتىن تۋرنيردى ۇيىمداستىرۋعا قولداۋ كورسەتىلگەنى ءۇشىن العىس ايتتى.
سونداي-اق, كەزدەسۋ بارىسىندا ن.لالوۆيچ نۇرسۇلتان نازارباەۆقا «ءبىرىككەن كۇرەس الەمى» حالىقارالىق فەدەراتسياسىنىڭ قۇرمەت وردەنىن تاپسىردى.
سۋرەتتى تۇسىرگەندەر
س.بوندارەنكو, ب.وتارباەۆ.