استانا. 18 ناۋرىز. الماتىنىڭ «قايرات» كومانداسى بەلگىلى فۋتبولشى اندرەي ارشاۆينمەن كەلىسىمشارتقا وتىردى. بۇل تۋرالى كلۋبتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
«قايرات» رەسەي ەلىنىڭ ويىنشىسىمەن 1+1 جۇيەسى بويىنشا كەلىسىمگە كەلدى. ول 28 نومىردە ونەر كورسەتەتىن بولادى.
اندرەي ارشاۆين مانسابىن سانك-پەتەربۋرتىڭ «زەنيت» كومانداسىنان باستاعان. 2008 جىلى وسى كوماندانىڭ ساپىندا ءجۇرىپ ۋەفا سۋپەركۋبوگىندا جەڭىسكە جەتتى. سونداي-اق, سول جىلى ەۋروپا چەمپيوناتىنىڭ قولا جۇلدەگەرى اتاندى. اراعا ءبىر جىل سالىپ, 2009 جىلى انگليانىڭ «ارسەنال» كلۋبىمەن كەلىسىمشارتقا وتىرادى. بۇل كوماندادا 100-دەن استام ماتچ وتكىزەدى. وسىدان سوڭ, 2013 جىلى «زەنيتكە» قايتا ورالادى. ال 2015 جىلى «كۋبانعا» اۋىسىپ, 2016 جىلدىڭ اقپان ايىنا دەيىن ونەر كورسەتتى.
ايان ءابدۋالي.
دەرەك, سۋرەت: «قايرات» فۋتبول كلۋبىنىڭ ءباسپاسوز قىزمەتى.