استانا. 18 ناۋرىز. اقش-تا بەلگىلى مۋزىكانت كىشى فرەنك سيناترا 73 جاسىندا قايتىس بولدى. بۇل تۋرالى bbc.com-عا سىلتەمە جاساعان egemen.kz ءتىلشىسى حابارلادى.
ول فلوريدا شتاتىنا قاراستى دەيتونا بيچ قالاسىندا Peabody Auditorim زالىندا ساحناعا شىعۋى ءتيىس بولاتىن. الايدا, شارانىڭ باستالۋىنا بىرنەشە ساعات ۋاقىت قالعاندا دەنساۋلىعىنا بايلانىستى تىڭدارماندارىنىڭ الدىندا ونەر كورسەتە المايتىنى بەلگىلى بولدى. ارۋحاناعا جەتكىزىلگەننەن كەيىن قايتىس بولعانى تۋرالى حابار تارادى. اتى اڭىزعا اينالعان ءانشى اكەسى سياقتى جۇرەك تالماسىنان كوز جۇمدى.
بۇكىل ءومىرىن ساحناعا ارناعان ول اكەسىمەن بىرگە جۇمىس ىستەپ, دجاز ستيلىندەگى شىعارمالاردى ورىنداپ كەلدى. ال 1988 جىلى وركەستردىڭ ديريجەرى اتانعان.
ايان ءابدۋالي.
دەرەك: bbc.com.
سۋرەت: ivona.bigmir.net.