استانا. 18 ناۋرىز. گۆينەيا رەسپۋبليكاسىندا ەبولا بەزگەگىن جۇقتىرعان ەكى ادام انىقتالدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
قاۋىپتى ىندەتتى جۇقتىرعاندار ءبىر وتباسىنىڭ مۇشەلەرى. وسىعان دەيىن ولاردىڭ ءۇش تۋىسقانى اتالعان دەرتكە شالدىعىپ, كوز جۇمعان. ۇكىمەت ولار تۇراتىن اۋىلعا وقشاۋلاۋ رەجىم ەنگىزىپ, ارنايى ۆاكتسينالار جەتكىزدى.
دۇنيەجۇزىلىك دەنساۋلىق ساقتاۋ ۇيىمى وتكەن بەيسەنبى كۇنى 42 كۇن ىشىندە قاۋىپتى بەزگەككە شالدىققاندار انىقتالماعاننان كەيىن گۆينەيامەن كورشىلەس سەررا-لەون مەملەكەتىندە ەبولانىڭ اياقتالعانى تۋرالى رەسمي مالىمدەگەن.
ايتا كەتەيىك, وتكەن جىلدىڭ سوڭىنا تامان اتالعان ۇيىم گۆينەيا رەسپۋبليكاسىندا ەبولانىڭ جويىلعاندىعى تۋرالى حابارلاعان. سوڭعى ناۋقاستىڭ ەمدەلىپ شىققانىنا 42 كۇن بولعان. الايدا, 90 كۇندىك تەرەڭىنەن انىقتاۋ مەرزىمى ءالى اياقتالعان جوق. يۋنيسەف-ءتىڭ مالىمدەۋىنشە, وسىعان دەيىن بۇل مەملەكەتتە 6200-دەن استام نارەستە جەتىم قالعان. سونداي-اق, كامەلەتكە تولماعان 519 بالا اۋىر ىندەتتەن كوز جۇمدى. ال قاۋىپتى اۋرۋدان ەمدەلگەندەر سانى بۇل كورسەتكىشتەن ەكى ەسە از, ياعني 230 ابالا تولىعىمەن جازىلعان.
ايان ءابدۋالي.
دەرەك: تاسس.
سۋرەت: news.caravan.kz.