ۋكراينا پرەزيدەنتى ۆلاديمير زەلەنسكي رەسەيدىڭ جاڭا شابۋىلدان باس تارتۋىن تەك ترامپ فاكتورىمەن بايلانىستىرۋدى ءالسىز ارگۋمەنت دەپ باعالادى. ICTV تەلەارناسىنا بەرگەن سۇحباتىندا ول قاۋىپسىزدىك كەپىلدىكتەرى ناقتى ءارى ۇزاق مەرزىمدى بولۋى ءتيىس ەكەنىن ايتتى, دەپ حابارلايدى Egemen.kz.
زەلەنسكيدىڭ سوزىنشە, ەگەر حالىقارالىق سەرىكتەستەر مايدان شەبىنەن تابىلماسا, رەسەيدىڭ ۋاقىت وتە قايتا شابۋىل جاساۋىنا ەشقانداي كەدەرگى جوق.
«ەگەر ءبىزدىڭ سەرىكتەستەرىمىز مايداندا بولماسا, رەسەيدىڭ قايتا شابۋىل جاساماسىنا كىم كەپىل بولا الادى؟ ونى نە توقتاتادى؟», دەدى ول.
زەلەنسكي «ديپلوماتيالىق اپتا» جاريالادى
سونداي-اق ۋكراينا باسشىسى اقش-تاعى ساياسي جاعدايعا دا نازار اۋداردى. ونىڭ ايتۋىنشا, ترامپتىڭ بيلىكتە بولۋ مەرزىمى شەكتەۋلى, سوندىقتان تەك ءبىر تۇلعاعا سەنىم ارتۋ جەتكىلىكسىز.
گەرمانيا ۋكرايناعا اۋە قورعانىسىن كۇشەيتۋگە ميللياردتار ءبولدى
«ترامپ تاعى ەكى جارىم جىل عانا قىزمەت ەتەدى. ال ودان كەيىن نە بولادى؟», دەپ اتاپ ءوتتى زەلەنسكي.
بۇعان دەيىن اقش ۋكرايناعا ناقتى قاۋىپسىزدىك كەپىلدىكتەرىن تەك سوعىس اياقتالعاننان كەيىن بەرۋى مۇمكىن ەكەنىن مالىمدەگەن. سونىمەن قاتار بۇل ماسەلە دونەتسك جانە لۋگانسك وبلىستارىنىڭ ءبىر بولىگىنەن ۋكراين اسكەرىن شىعارۋ شارتتارىمەن بايلانىستى ەكەنى ايتىلعان.
زەلەنسكي ترامپپەن ۋكراينا مەن اقش اراسىنداعى ەركىن ساۋدا تۋرالى كەلىسىمدى تالقىلادى
قازىرگى ۋاقىتتا ۋكراينا بيلىگى ەلدى بولاشاق قاۋىپتەن قورعاۋعا باعىتتالعان جاڭارتىلعان قاۋىپسىزدىك كەپىلدىكتەرى قۇجاتىن دايىنداپ جاتىر.
نۇربولات امانبەك