عىلىمي اتاعىن 30 جىلدان كەيىن الدى
فرانتسيادا تۇراتىن 91 جاستاعى كوللەت بۋرلە 30 جىلعى زەرتتەۋ جۇمىسىنىڭ ءناتيجەسىندە عىلىم دوكتورى دەگەن عىلىمي اتاققا قول جەتكىزدى. ديسسەرتاتسيا قورعاۋ فرانش-كونتە ۋنيۆەرسيتەتىندە جۇزەگە اسىرىلعان.
زەرتتەۋ جۇمىسى بازانسوندا XX عاسىردىڭ ەكىنشى جارتىسىندا ەڭبەك ەتكەن ميگرانتتار ومىرىنە ارنالعان. عالىم ونى تۇگەلدەي قولىمەن جازىپ شىققان. عىلىمي كەڭەس جۇمىسقا جوعارى باعا بەرگەن. سونىڭ نەگىزىندە زەرتتەۋشى اكادەميالىق ءدارەجەنى وتە جاقسى قورعاپ شىققان.
كولەتت بۋرلە 1925 جىلى ليون قالاسىندا تۋعان ەكەن. ول اتالعان ەڭبەگىن جازۋدى وسىدان 30 جىل بۇرىن باستاپتى. «بۇل ءبىر 30 جىل ۋاقىت بويى دايىندالعان ەرەكشە جۇمىس ەكەن. ونى 60 جاسىندا باستاعان ءىزدەنۋشى وسىنشا ۋاقىتتا ايتارلىقتاي ناتيجەگە قول جەتكىزگەن», – دەدى عىلىمي جەتەكشىسى سەرج ورمو.
ادەتتە ديسسەرتاتسيا ءۇش جىلدا جازىلىپ شىعۋى كەرەك. دەمەك, بۇل جەردە جاسى ۇلعايعان كىسىنىڭ ەڭبەگى ەسكەرىلىپ وتىرسا كەرەك.
دامير قوجامقۇل.