استانا. 17 ناۋرىز. مىسىردىڭ تاريحي جادىگەرلەر ىستەرى بويىنشا ءمينيسترى مامدوح ەلداماتي راديولوكاتسيالىق سكانەرلەۋدىڭ ارقاسىندا تۋتانحامون مازارىندا تاعى ەكى بولمەنىڭ بار ەكەندىگىن انىقتادى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى.
ارحەولوگتار جاسىرىن بولمەدە ەجەلگى مىسىر پاتشايىمى نەفەرتيتيدىڭ قابىرى بولۋى مۇمكىن دەگەن بولجام جاسادى. نەفەرتيتي – ءبىزدىڭ زامانىمىزعا دەيىنگى 1351-1334 جىلدارى ەجەلگى مىسىر پاتشايىمى, پەرعاۋىن امەنحوتەپتىڭ جارى, تۋتانحاموننىڭ وگەي شەشەسى بولعان.
وتكەن جىلى نيكولاس ريۆز اتالعان مازاردىڭ سۋرەتتەرىنەن كىرپىشتەردىڭ ورنىنا قاراپ, قوسىمشا ەسىك بولۋى ءتيىس دەگەن. وسىعان بايلانىستى سكانەرلەۋ ارقىلى زەرتتەۋ جۇمىستارىن جۇرگىزدى.
ايتا كەتەيىك, ارحەولوگتار زەرتتەۋ جۇمىستارىنىڭ ناتيجەسىندە تۋتانحامون مازارىن 1922 جىلىتاپقان.
ايان ءابدۋالي.
دەرەك: bbc.com.
سۋرەت: svntfour.appspot.com.