2016 جىلعى 28 قاڭتار, استانا قالاسى
قازاقستان رەسپۋبليكاسى پرەزيدەنتى ءىس باسقارماسىنىڭ ۆەدومستۆولىق قاراستى مەملەكەتتىك مەكەمەلەرىندە قىزمەت اتقاراتىن ازاماتتىق قىزمەتشىلەردى اتتەستاتتاۋدان وتكىزۋدىڭ قاعيدالارى مەن شارتتارىن بەكىتۋ تۋرالى
قازاقستان رەسپۋبليكاسى ەڭبەك كودەكسىنىڭ 139-بابىنىڭ 7-تارماعىنا سايكەس بۇيىرامىن:
1. قوسا بەرىلىپ وتىرعان قازاقستان رەسپۋبليكاسى پرەزيدەنتى ءىس باسقارماسىنىڭ ۆەدومستۆولىق قاراستى مەملەكەتتىك مەكەمەلەرىندە قىزمەت اتقاراتىن ازاماتتىق قىزمەتشىلەردى اتتەستاتتاۋدان وتكىزۋدىڭ قاعيدالارى مەن شارتتارى بەكىتىلسىن.
2. قازاقستان رەسپۋبليكاسى پرەزيدەنتى ءىس باسقارماسىنىڭ ۇيىمداستىرۋ-باقىلاۋ جانە كادر جۇمىسى ءبولىمى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن باسپا جانە ەلەكتروندىق تۇردە مەرزىمدى باسپا باسىلىمدارىنا جانە «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا, سونداي-اق قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن رەسپۋبليكالىق قۇقىقتىق اقپارات ورتالىعىنا جىبەرۋدى;
3) وسى بۇيرىق رەسمي جاريالانعاننان كەيىن ونى قازاقستان رەسپۋبليكاسى پرەزيدەنتى ءىس باسقارماسىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتى ءىس باسقارماسىنىڭ اپپارات باسشىسىنا جۇكتەلسىن.
4. وسى بۇيرىق رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى پرەزيدەنتىنىڭ ءىس باسقارۋشىسى ا.بيسەمباەۆ
قازاقستان رەسپۋبليكاسى پرەزيدەنتى ءىس باسقارۋشىسىنىڭ
2016 جىلعى 28 قاڭتارداعى №13/11 بۇيرىعىمەن بەكىتىلگەن
قازاقستان رەسپۋبليكاسى پرەزيدەنتى ءىس باسقارماسىنىڭ
ۆەدومستۆولىق قاراستى مەملەكەتتىك مەكەمەلەرىندە قىزمەت اتقاراتىن ازاماتتىق قىزمەتشىلەردى اتتەستاتتاۋدان وتكىزۋدىڭ قاعيدالارى مەن شارتتارى
1. جالپى ەرەجەلەر
1. قازاقستان رەسپۋبليكاسى پرەزيدەنتى ءىس باسقارماسىنىڭ ۆەدومستۆولىق قاراستى مەملەكەتتىك مەكەمەلەرىندە قىزمەت اتقاراتىن ازاماتتىق قىزمەتشىلەردى اتتەستاتتاۋدان وتكىزۋدىڭ قاعيدالارى مەن شارتتارى (بۇدان ءارى – قاعيدالار) قازاقستان رەسپۋبليكاسىنىڭ 2015 جىلعى 23 قاراشاداعى ەڭبەك كودەكسىنىڭ 139-بابىنىڭ 7-تارماعىنا سايكەس ازىرلەندى جانە قازاقستان رەسپۋبليكاسى پرەزيدەنتى ءىس باسقارماسىنىڭ مەملەكەتتىك مەكەمەلەرىندە (بۇدان ءارى – مەملەكەتتىك مەكەمەلەر) قىزمەت اتقاراتىن ازاماتتىق قىزمەتشىلەردى (بۇدان ءارى – قىزمەتشىلەر) اتتەستاتتاۋدان وتكىزۋ ءتارتىبى مەن شارتتارىن بەلگىلەيدى.
2. ازاماتتىق قىزمەتشىلەردى اتتەستاتتاۋ - قىزمەتشىلەردىڭ كاسىپتىك جانە بىلىكتىلىك دايارلىعىنىڭ, ىسكەرلىك قاسيەتتەرىنىڭ دەڭگەيىن ايقىنداۋ, بىلىكتىلىك ساناتىن (دارەجە) انىقتاۋ بويىنشا كەزەڭ-كەزەڭىمەن جۇزەگە اسىرىلاتىن ءراسىم;
3. اتتەستاتتاۋدىڭ ماقساتى – مەملەكەتتىك مەكەمەلەردىڭ قىزمەتشىلەرىنىڭ اتقارىپ وتىرعان لاۋازىمىنا ساي كەلەتىندىگىن انىقتاۋ.
4. اتتەستاتتاۋ كەزىندە نەگىزگى باعالاۋ ولشەمى قىزمەتشىلەردىڭ وزدەرىنە جۇكتەلگەن مىندەتتەردى ورىنداۋ قابىلەتى بولىپ تابىلادى.
5. اتتەستاتتاۋ مىناداي بىرقاتار دايەكتى كەزەڭدى قامتيدى:
1) اتتەستاتتاۋ وتكىزۋگە دايىندىق;
2)اتتەستاتتاۋ كوميسسياسىنىڭ مەملەكەتتىك مەكەمەلەردىڭ قىزمەتشىلەرىمەن اڭگىمە جۇرگىزۋى;
3) اتتەستاتتاۋ كوميسسياسىنىڭ شەشىم شىعارۋى.
6. اتتەستاتتاۋدىڭ نەگىزگى قاعيداتتارى جاريالىلىق, القالىلىق جانە جۇيەلىلىك بولىپ تابىلادى.
2. اتتەستاتتاۋدى وتكىزۋ ءتارتىبى
7. اتتەستاتتاۋدى وتكىزۋگە دايىندىقتى مەملەكەتتىك مەكەمەلەر باسشىلارىنىڭ تاپسىرماسى بويىنشا كادر قىزمەتتەرى (ودان ءارى - كادر قىزمەتتەرى) جۇزەگە اسىرادى جانە ول مىناداي ءىس-شارالاردى قامتيدى:
1) اتتەستاتتاۋدان وتۋشىگە قاجەتتى قۇجاتتاردى دايىنداۋ;
2) اتتەستاتتاۋ وتكىزۋ كەستەسىن ازىرلەۋ;
3) اتتەستاتتاۋ كوميسسيالارىنىڭ قۇرامىن ايقىنداۋ;
4) قىزمەتشىلەر اراسىندا اتتەستاتتاۋ وتكىزۋدىڭ ماقساتى مەن ءتارتىبى تۋرالى ءتۇسىندىرۋ جۇمىستارىن ۇيىمداستىرۋ.
8. كادر قىزمەتتەرى اتتەستاتتالۋعا ءتيىس مەملەكەتتىك مەكەمە قىزمەتشىلەرىنىڭ كانديداتۋراسىن جارتى جىلدا ءبىر رەت ايقىندايدى.
9. مەملەكەتتىك مەكەمەلەردىڭ باسشىلارى كادر قىزمەتتەرىنىڭ ۇسىنۋىمەن بۇيرىق شىعارادى, سول بۇيرىقپەن اتتەستاتتالاتىن ادامداردىڭ ءتىزىمى, اتتەستاتتاۋ وتكىزۋدىڭ كەستەسى مەن اتتەستاتتاۋ كوميسسيالارىنىڭ قۇرامى بەكىتىلەدى.
10. كادر قىزمەتتەرى اتتەستاتتاۋ وتكىزۋ مەرزىمى تۋرالى ونى وتكىزۋدىڭ باستالۋىنا كەمىندە ءبىر اي قالعاندا مەملەكەتتىك مەكەمەلەر قىزمەتشىلەرىن جازباشا حاباردار ەتەدى.
11 قىزمەتتىك مىنەزدەمە اتتەستاتتالۋشى قىزمەتشىلەردىڭ كاسىبي, جەكە باسىنىڭ قاسيەتتەرى مەن قىزمەتتىك ءىس-ارەكەتى ناتيجەلەرىنىڭ نەگىزدەلگەن, شىنايى باعاسىن قامتۋعا ءتيىس.
12. كادر قىزمەتتەرى اتتەستاتتاۋ كوميسسياسىنىڭ وتىرىسىنا دەيىن كەمىندە ەكى اپتا بۇرىن مەملەكەتتىك مەكەمە قىزمەتشىلەرىن وعان بەرىلگەن قىزمەتتىك مىنەزدەمەمەن تانىستىرۋعا مىندەتتى.
13. مەملەكەتتىك مەكەمە قىزمەتشىسى وزىنە بەرىلگەن قىزمەتتىك مىنەزدەمەمەن كەلىسپەيتىنى تۋرالى مالىمدەمە جاساۋعا جانە ءوزىنىڭ جاساعان جۇمىسى تۋرالى ەسەپتى اتتەستاتتاۋ كوميسسياسىنىڭ وتىرىسىنا دەيىن كادر قىزمەتتەرىنە ۇسىنادى.
14. اتتەستاتتالۋشى مەملەكەتتىك مەكەمەنىڭ قىزمەتشىلەرىنە كادر قىزمەتتەرى وسى قاعيداعالار 1-قوسىمشاعا سايكەس نىسان بويىنشا اتتەستاتتاۋ پاراعىن راسىمدەيدى.
15. اتتەستاتتالۋعا ءتيىس مەملەكەتتىك مەكەمە قىزمەتشىلەرىنىڭ تىكەلەي باسشىلارى وسى قاعيداعالار 2-قوسىمشاعا سايكەس نىسان بويىنشا قىزمەتتىك مىنەزدەمەلەر راسىمدەپ, ولاردى كادر قىزمەتىنە جولدايدى.
16. كادر قىزمەتتەرى جينالعان اتتەستاتتاۋ ماتەريالدارىن اتتەستاتتاۋ كوميسسياسىنا جولدايدى.
3. اتتەستاتتاۋ كوميسسياسى
17. اتتەستاتتاۋ كوميسسياسىن كادر قىزمەتتەرىنىڭ ۇسىنىسى بويىنشا مەملەكەتتىك مەكەمەلەردىڭ باسشىلارى انىقتايدى جانە ول 7 مۇشەدەن جانە كوميسسيا حاتشىسىنان تۇرادى. اتتەستاتتاۋ كوميسسياسى مۇشەلەرىنىڭ ىشىنەن توراعا تاعايىندالادى. اتتەستاتتاۋ كوميسسياسىنىڭ توراعاسى ونىڭ قىزمەتىنە باسشىلىق ەتەدى, وتىرىستاردا توراعا بولادى, ونىڭ جۇمىسىن ۇيىمداستىرادى, جالپى باقىلاۋدى جۇزەگە اسىرادى جانە ونىڭ قىزمەتى مەن قابىلداناتىن شەشىمدەرى ءۇشىن جاۋاپتى بولادى.
18. اتتەستاتتاۋ كوميسسياسىنىڭ بولماعان مۇشەلەرىن الماستىرۋعا جول بەرىلمەيدى.
اتتەستاتتاۋ كوميسسيالارىنىڭ حاتشىلارى كادر قىزمەتتەرىنىڭ وكىلدەرى بولىپ تابىلادى جانە ولاردى كادر قىزمەتتەرىنىڭ باسشىلارى ايقىندايدى.
اتتەستاتتاۋ كوميسسياسىنىڭ حاتشىسى كوميسسيا وتىرىسىنا ءتيىستى ماتەريالداردى, قاجەتتى قۇجاتتاردى دايىندايدى جانە كوميسسيا وتىرىسى وتكەننەن كەيىن حاتتاما رەسىمدەيدى. حاتشى تەحنيكالىق قىزمەت كورسەتەدى جانە اتتەستاتتاۋ كوميسسياسىنىڭ قىزمەتىن قامتاماسىز ەتەدى جانە داۋىس بەرۋگە قاتىسپايدى.
19. اتتەستاتتاۋ كوميسسياسىنىڭ مۇشەلەرى اتتەستاتتاۋدان جالپى نەگىزدەردە وتەدى.
20. قۇرامىنىڭ كەمىندە ۇشتەن ەكىسى قاتىسقان اتتەستاتتاۋ كوميسسياسىنىڭ وتىرىسى زاڭدى دەپ ەسەپتەلەدى.
21. داۋىس بەرۋدىڭ ناتيجەسى كوميسسيا مۇشەلەرىنىڭ كوپشىلىك داۋسىمەن ايقىندالادى. داۋىستار تەڭ تۇسكەن جاعدايدا, كوميسسيا توراعاسىنىڭ داۋىسى شەشۋشى بولىپ تابىلادى.
4. اتتەستاتتاۋدى وتكىزۋ
22. اتتەستاتتاۋ كوميسسياسى اتتەستاتتاۋدى مەملەكەتتىك مەكەمەلەردىڭ اتتەستاتتالۋشى قىزمەتشىلەرىنىڭ قاتىسۋىمەن وتكىزەدى. دالەلسىز سەبەپپەن قاتىسپاۋعا رۇقسات ەتىلمەيدى.
اتتەستاتتالۋشى اتتەستاتتاۋ كوميسسياسىنىڭ وتىرىسىنا دالەلدى سەبەپتەرمەن (ۋاقىتشا ەڭبەككە جارامسىزدىعى بويىنشا نەمەسە قىزمەتتىك ءىسساپار ۋاقىتىندا) قاتىسپاعان جاعدايدا, ونى اتتەستاتتاۋ ماسەلەسىن قاراۋ كوميسسيا انىقتاعان اناعۇرلىم كەيىن مەرزىمگە اۋىستىرىلادى. اتتەستاتتاۋدى كەيىنگە قالدىرۋ ءبىر رەتتەن اسپايدى.
23. وتىرىس بارىسىندا كوميسسيا ۇسىنىلعان ماتەريالداردى زەرتتەيدى جانە اتتەستاتتالاتىن قىزمەتشىنى تىڭدايدى.
اتتەستاتتالاتىن قىزمەتشىگە بەرىلەتىن سۇراقتار كاسىبي جانە بىلىكتىلىك دايارلىق, ىسكەرلىك قاسيەتتەر ماسەلەلەرىندەگى قۇزىرەتتىلىگىنىڭ دەڭگەيىن انىقتاۋعا باعىتتالعان بولۋعا ءتيىس.
اتتەستاتتالۋشىنىڭ كاسىبي جانە بىلىكتىلىك دايارلىعىن, ىسكەرلىك قاسيەتتەرىن تالقىلاۋ شىنايى, سىپايى جانە جاناشىرلىق جاعدايىندا ءوتۋى قاجەت.
24. ۇسىنىلعان ماتەريالداردى زەرتتەۋ جانە مەملەكەتتىك مەكەمەلەر قىزمەتشىلەرىمەن اڭگىمەلەسۋ ناتيجەسىندە كوميسسيا مىناداي شەشىمدەردىڭ ءبىرىن قابىلدايدى:
1) اتقاراتىن قىزمەتىنە لايىقتى;
2) قايتالاپ اتتەستاتتاۋعا جاتادى.
كوميسسيا شەشىم شىعارۋ كەزىندە قىزمەتشىنىڭ بىلىكتىلىك ساناتىنا سايكەستىگىن بەكىتەدى (راستايدى) نە ونى بەكىتۋگە نەگىز جوق ەكەندىگىن كورسەتەدى.
25. اتتەستاتتاۋ كوميسسياسىنىڭ شەشىمى اشىق داۋىس بەرۋ ارقىلى قابىلدانادى. اتتەستاتتاۋ كوميسسياسى قۇرامىنا ەنگەن مەملەكەتتىك مەكەمەنىڭ اتتەستاتتاۋدان ءوتۋشى قىزمەتشىسى وزىنە قاتىستى داۋىس بەرۋگە قاتىسپايدى.
26. ءبىرىنشى اتتەستاتتاۋدان وتپەگەن جانە اتتەستاتتاۋعا دالەلدى سەبەپتەرمەن قاتىسپاعان قىزمەتەرلەردى قايتا اتتەستاتتاۋ باستاپقى اتتەستاتتاۋ وتكەن كۇنىنەن باستاپ ءۇش اي وتكەننەن كەيىن وسى قاعيدادالار ايقىندالعان تارتىپپەن وتەدى.
قايتا اتتەستاتتاۋدى وتكىزگەن اتتەستاتتاۋ كوميسسياسى مىناداي شەشىمدەردىڭ ءبىرىن قابىلدايدى:
1) اتقاراتىن قىزمەتىنە لايىقتى;
2) اتقاراتىن قىزمەتىنە لايىقتى ەمەس.
27. اتتەستاتتاۋ كوميسسياسىنىڭ شەشىمدەرى ونىڭ وتىرىسىنا قاتىسقان اتتەستاتتاۋ كوميسسياسىنىڭ مۇشەلەرى مەن حاتشىسى قول قويعان حاتتامامەن راسىمدەلەدى.
28. مەملەكەتتىك مەكەمەلەر قىزمەتشىلەرى اتتەستاتتاۋ كوميسسياسىنىڭ شەشىمىمەن تانىستىرىلادى. اتتەستاتتاۋ كوميسسياسىنىڭ شەشىمىن مەملەكەتتىك مەكەمەلەردىڭ باسشىلارى حاتتاماعا قول قويىلعان كۇنىنەن باستاپ بەس جۇمىس كۇنى ىشىندە بەكىتەدى. اتتەستاتتاۋ كوميسسياسىنىڭ بەكىتىلگەن شەشىمى مەملەكەتتىك مەكەمەلەر قىزمەتشىلەرىنىڭ اتتەستاتتاۋ پاراعىنا ەنگىزىلەدى.
مەملەكەتتىك مەكەمەلەردىڭ اتتەستاتتاۋدان وتكەن قىزمەتشىلەرىنىڭ قىزمەتتىك مىنەزدەمەلەرى, سونداي-اق مەملەكەتتىك مەكەمەلەر باسشىلارى بەكىتكەن اتتەستاتتاۋ كوميسسياسىنىڭ شەشىمى جەكە ىستەردە ساقتالادى.
5. اتتەستاتتاۋ شارتتارى
29. جۇكتىلىككە جانە بوسانۋعا بايلانىستى دەمالىستاعى ايەلدەر, ءۇش جاسقا دەيىنگى بالا كۇتىمىنە بايلانىستى دەمالىستاعى قىزمەتكەرلەردەن باسقا مەملەكەتتىك مەكەمەلەردىڭ بارلىق شتاتتىق قىزمەتكەرلەرى مەن قوسىمشا قىزمەت اتقاراتىن قىزمەتشىلەرى اتتەستاتتاۋدان وتەدى.
30. قىزمەتشىلەر ازاماتتىق قىزمەتتە بولعان ءاربiر كەزەكتi ءۇش جىل وتكەن سايىن, بiراق وسى لاۋازىمعا ورنالاسقان كۇنىنەن باستاپ كەمiندە التى اي وتكەننەن كەيiن, اتتەستاتتاۋدان وتەدi. بۇل رەتتە, اتتەستاتتاۋ اتالعان مەرزىم باستالعان كۇنىنەن باستاپ التى ايدان اسپايتىن مەرزىمدە وتكىزىلۋگە ءتيىس.
مەملەكەتتىك مەكەمەلەردىڭ بالا كۇتىمى دەمالىسىنداعى قىزمەتشىلەرى قىزمەتكە شىققاننان كەيىن التى ايدان كەيىن اتتەستاتتالادى.
31. مەملەكەتتىك مەكەمەلەر قىزمەتكەرلەرىن ولاردىڭ ءوتىنىشى بويىنشا بەلگىلەنگەن مەرزىمگە دەيىن اتتەستاتتاۋدان وتكىزەدى.
قازاقستان رەسپۋبليكاسى پرەزيدەنتى ءىس باسقارماسىنىڭ ۆەدومستۆولىق قاراستى مەملەكەتتىك مەكەمەلەرىندە قىزمەت اتقاراتىن ازاماتتىق قىزمەتشىلەردى اتتەستاتتاۋدان وتكىزۋ قاعيدالارى مەن شارتتارىنا 1-قوسىمشا
نىسان
قازاقستان رەسپۋبليكاسى پرەزيدەنتى ءىس باسقارماسىنىڭ ۆەدومستۆولىق قاراستى مەملەكەتتىك مەكەمەسىنىڭ اتتەستاتتالۋعا ءتيىس ازاماتتىق قىزمەتشىسىنە اتتەستاتتاۋ پاراعى
اتتەستاتتاۋ ءتۇرى: كەزەكتى - ; قايتالاپ -
(كەرەكتىسىن ح بەلگىسىمەن بەلگىلەۋ كەرەك).
1. تەگى, اتى, اكەسىنىڭ اتى
_________________________________________________________________
2. تۋعان كۇنى «___» ____________ 19___ ج.
3. ءبىلىمى, بىلىكتىلىگىن ارتتىرۋ, قايتا دايارلاۋ جونىندەگى مالىمەتتەر (قاشان جانە قانداي وقۋ ورنىن تامامداعان, ءبىلىمى بويىنشا ماماندىعى, بىلىكتىلىگىن ارتتىرۋ, قايتا دايارلاۋ, عىلىمي دارەجەسى, عىلىمي اتاعى, بەرىلگەن كۇنى تۋرالى قۇجاتتار)
____________________________________________________________
4. اتقاراتىن لاۋازىمى جانە تاعايىندالعان كۇنى, بىلىكتىلىك ساناتى (دارەجەسى)
_________________________________________________________________
_________________________________________________________________
5. جالپى ەڭبەك ءوتىلى:
_________________________________________________________________
6. ازاماتتىق قازمەتشى لاۋازىمدارىنداعى جالپى جۇمىس ءوتىلى:
_________________________________________________________________
7. اتتەستاتتاۋ كوميسسياسى مۇشەلەرىنىڭ ايتقان ەسكەرتۋلەرى مەن ۇسىنىستارى:
_____________________________________________________________
_____________________________________________________________
_____________________________________________________________
8. اتتەستاتتالۋشىنىڭ وي-پىكىرى:
______________________________________________________________
______________________________________________________________
9. اتتەستاتتالۋشىنىڭ قىزمەتتىك مىنەزدەمەسى بويىنشا ازاماتتىق قىزمەتشىلەردىڭ
قىزمەتىن تىكەلەي باسشىسىنىڭ باعالاۋى:
_____________________________________________________________
10. وتىرىسقا اتتەستاتتاۋ كوميسسياسىنىڭ ______ مۇشەسى قاتىستى.
11. داۋىسقا سالۋ قورىتىندىسى بويىنشا اتتەستاتتاۋ كوميسسياسىنىڭ ءاربىر مۇشەسى تولتىراتىن ازاماتتىق قىزمەتشىلەردىڭ قىزمەتىن قوسا بەرىلەتىن باعالاۋ پاراعىنا سايكەس باعالاۋ:
1) اتقاراتىن قىزمەتىنە لايىقتى (داۋىس سانى) ____________________________;
2) قايتالاپ اتتەستاتتاۋعا جاتادى (داۋىس سانى) ____________________________; *
3) اتقاراتىن قىزمەتىنە لايىقتى ەمەس (داۋىس سانى) _______________________.*
12. بىلىكتىلىك ساناتى (دارەجەسى):
1) ________ (ارىپپەن) بىلىكتىلىك ساناتىنا (دارەجەسىنە) لايىقتى
_____________________________________ (داۋىس سانى)
__________________________________
ء(ار بىلىكتىلىك ساناتى (دارەجىسى) بويىنشا بولەن)
2) بىلىكتىلىك ساناتىن (دارەجەسىن) بەلگىلەۋگە نەگىز جوق (داۋىس سانى) __________.
قورىتىندى باعالاۋ:
_____________________________________________________________
_____________________________________________________________
(بىلىكتىلىك ساناتىنىڭ (دارەجەسىنىڭ) ساندىق بەلگىسى ارىپپەن جازىلادى)
13. اتتەستاتتاۋ كوميسسياسىنىڭ ۇسىنىستارى (دالەلدەمەلەرىن كورسەتۋمەن)
________________________________________________________
_____________________________________________________________
_____________________________________________________________
14. ەسكەرتپەلەر _______________________________________________________
_____________________________________________________________
اتتەستاتتاۋ كوميسسياسىنىڭ توراعاسى: ___________________________________
(قولى)
اتتەستاتتاۋ كوميسسياسىنىڭ حاتشىسى: ___________________________
(قولى)
اتتەستاتتاۋ كوميسسياسىنىڭ مۇشەلەرى: ___________________________
(قولى)
___________________________
(قولى)
اتتەستاتتاۋ وتكىزىلگەن كۇنى: 20__ ج. «___» _________
اتتەستاتتاۋ قورىتىندىسى بويىنشا مەملەكەتتىك مەكەمە باسشىسىنىڭ
شەشىمى_______________________________________________________
_____________________________________________________________
_____________________________________________________________
اتتەستاتتاۋ پاراعىمەن تانىستىم: ____________________________________
(مەملەكەتتىك مەكەمە قىزمەتكەرىنىڭ قولى جانە كۇنى)
ۇيىم ءمورتاڭباسىنىڭ ورنى
* باعا 2) قايتالاپ اتتەستاتتاۋدا قويىلمايدى
* باعا 3) قايتالاپ اتتەستاتتاۋدا قويىلادى
قازاقستان رەسپۋبليكاسى پرەزيدەنتى ءىس باسقارماسىنىڭ ۆەدومستۆولىق قاراستى مەملەكەتتىك مەكەمەلەرىندە قىزمەت اتقاراتىن ازاماتتىق قىزمەتشىلەردى اتتەستاتتاۋدان وتكىزۋ قاعيدالارى مەن شارتتارىنا 1-قوسىمشا
نىسان
باعالاۋ پاراعى (اتتەستاتتاۋ كوميسسياسىنىڭ مۇشەسى تولتىرادى)
اتتەستاتتاۋ ءتۇرى: كەزەكتى - ; قايتالاپ ءوتۋ -
(كەرەكتىسىن ح بەلگىسىمەن بەلگىلەۋ كەرەك)
ت.ا.ءا (بولعان كەزدە)
__________________________________________________________________
لاۋازىمى
___________________________________________________________________
اتتەستاتتالۋشىنىڭ باعاسى ___________________________________________
(وتە جاقسى, جاقسى, قاناعاتتانارلىق, قاناعاتتانارلىقسىز)
اتتەستاتتاۋ كوميسسياسى مۇشەلەرىنىڭ شەشىمى (تومەندەگىنىڭ ءبىرى:
اتقاراتىن لاۋازىمىنا سايكەس كەلەدى, قايتالاپ اتتەستاتتاۋعا جاتادى*,
اتقاراتىن لاۋازىمىنا سايكەس كەلمەيدى):
______________________________________________________________
_______________________________________________________________
______________________________________________________________
اتتەستاتتاۋ كوميسسياسى مۇشەسىنىڭ شەشىمىنە نەگىزدەمە بەرۋى:
_____________________________________________________________
_____________________________________________________________
_____________________________________________________________
_____________________________________________________________
بىلىكتىلىك ساناتىنا (دارەجەسىنە) لايىقتى__________________________
بىلىكتىلىك ساناتىن (دارەجەسىن) بەلگىلەۋگە نەگىز جوق
_____________________________________________________________
نەگىزدەمە:____________________________________________________
_____________________________________________________________
_____________________________________________________________
اتتەستاتتاۋ كوميسسياسىنىڭ مۇشەسى
_____________________________________________________________
(ت.ا.ءا. (بولعان كەزدە), قولى)
اتتەستاتتاۋ كوميسسياسىنىڭ حاتشىسى ____________________________
(ت.ا.ءا. (بولعان كەزدە), قولى)
كۇنى: 20__ ج. «___» _________
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 5 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13405 بولىپ ەنگىزىلدى.