قىزىلوردا. 15 ناۋرىز. بۇگىن سىر ەلىنەن «قىزىلوردا-جەزقازعان» باعىتىنا قاتىنايتىن العاشقى جولاۋشىلار پويىزى جولعا شىقتى. ايتا كەتەيىك, بۇل جوبا «نۇرلى جول» باعدارلاماسى اياسىندا جۇزەگە اسىپ وتىر. بۇل تۋرالى egemen.kz ءتىلشىسى حابارلادى.
«قىزىلوردا – جەزقازعان» پويىزى بىلتىر عانا قولدانىسقا بەرىلگەن «جەزقازعان-سەكسەۋىل-بەينەۋ» جاڭا تەمىرجولى ۇستىمەن جۇرەدى. جاڭا پويىز قىزىلوردا وبلىسىنىڭ سولتۇستىگىندە ورنالاسقان 65 ستانتسيا ارقىلى وتەدى. ەندى قىزىلوردالىقتار سارىارقا ولكەسىنە ءبىر تاۋلىكتە پويىزبەن تىكەلەي بارا الادى.
جاڭا جولاۋشىلار پويىزى 5 ۆاگوننان تۇرادى. بيلەتتەردىڭ دە باعاسى ءتيىمدى. ماسەلەن, جولاۋشى بايان ءالىموۆا بۇرىن جەزقازعانعا اۆتوبۋس ارقىلى قاتىناعان. ول تەمىر جولدىڭ ءتيىمدى تۇستارى كوپ ەكەندىگىن ايتادى.
ايتا كەتەيىك, ەكى ءوڭىر اراسىنداعى بايلانىستى نىعايتۋ ماقساتىندا بيىل «قىزىلوردا-جەزقازعان» اراسىنداعى جولدى اسفالتتاۋ جۇمىستارى باستالادى.
ەرجان بايتىلەس.
دەرەك, سۋرەت: egemen.kz