جاڭا ەمحانا مەن ديسپانسەر

ەلباسىنىڭ “100 مەكتەپ, 100 اۋرۋحانا” باعدارلاماسى اياسىندا اتىراۋدا جوسپارلانعان نىسانداردىڭ بىرقاتارى اۋدانداردا سالىندى. قۇرمانعازى, يساتاي, قىزىلقوعا, ماحامبەت اۋدان­دا­رىن­دا ءبىر مەزگىلدە 250 ادامدى قابىل­داي­تىن ەكى قاباتتى ەمحانا عيماراتتارى بوي كوتەرسە, جىلىوي مەن ماحامبەت اۋداندارىندا تيىسىنشە 75 جانە 100 ورىندىق وكپە اۋرۋلارى ديسپانسەرلەرى پايدالانۋعا بەرىلدى. اۋداندارداعى ەمحانالاردىڭ قا­لا­داعىدان ەش كەمدىگى جوق. ماسەلەن, ماحامبەت اۋدانىندا ءبىر كۇندە اشىلعان قوس نىسان – ەمحانا مەن وكپە اۋرۋلارى ديسپانسەرىندەگى قۇرال-جابدىقتار ءبۇ­گىن­گى تالاپقا ساي. اۋدان اكىمى ومىرزاق ءزينۋلليننىڭ ايتۋىنشا, جاڭا نىسان­دار­عا تابيعي گاز, تازا سۋ جەلىلەرى تار­تى­لىپ, ەڭ وزىق جابدىقتار الىنعان. ەم­حا­ناعا جۇمىسقا جاڭادان قابىل­دان­عان 10 دارىگەرگە باسپانا بەرىلىپتى. ەندى 20-عا جۋىق مەدبيكە جۇمىسقا قابىل­دان­باق. اۋدانارالىق وكپە اۋرۋلارى ديسپانسەرىندە سىرقاتتاردىڭ ەم الۋىنا بارلىق جاعداي قاراستىرىلعان. ايتقانداي, يساتاي اۋدانىندا 250 ورىندىق ەمحانا تۇرعىندارعا مەديتسي­نا­لىق قىزمەت كورسەتە باستاسا, جىلىوي اۋدانىندا 75 ورىنعا ەسەپتەلگەن وكپە اۋ­رۋلارى ديسپانسەرى پايدالانۋعا بەرىلدى. جولداسبەك شوپەعۇل, اتىراۋ وبلىسى.