اقتوبە قالاسىنىڭ اكىمى بەكبول ساعىن 8 ناۋرىز – حالىقارالىق ايەلدەر كۇنى قارساڭىندا ءبىر توپ كوپ بالالى انالاردى مەرەكەمەن قۇتتىقتاپ, «التىن القا» جانە «كۇمىس القا» مەدالدارىمەن ماراپاتتادى. ول كوپبالالى انالارعا قوعامداعى جانە بالا تاربيەسىندەگى ايرىقشا ەڭبەكتەرى ءۇشىن العىس سەزىمىن ءبىلدىرىپ, وتباسىلىق باقىت, باقۋاتتى تۇرمىس تىلەدى. شاھار باسشىسى ءار كوپبالالى اناعا مەرەكەلىك سىيلىق پەن گۇل شوقتارىن تاپسىردى. كوپبالالى انالاردىڭ ۇشەۋى «التىن القا», ال, ونى «كۇمىس القا» مەدالىن ومىراۋلارىنا تاعىپ, قۋانىش قۇشاعىنا بولەندى.
قازىر وبلىس ورتالىعىندا 6479 كوپبالالى انا تۇرادى, ولاردىڭ 1272-ءى «التىن القا»,1537-ءسى «كۇمىس القا», ال, 337-ءى «باتىر انا» جانە 288-ءى ءى-ءىى-ءىىى دارەجەلى «انا داڭقى» مەدالدارىنىڭ يەگەرلەرى بولىپ تابىلادى. 3045 انا ءتورت جانە ودان دا كوپ بالا ءوسىرىپ, تاربيەلەۋدە. جىل سايىن قالادا بالا تۋ كورسەتكىشى كوتەرىلىپ, كوپبالالى جاس انالار قاتارى كوبەيە تۇسۋدە.
ساتىبالدى ءساۋىرباي,
«ەگەمەن قازاقستان».
اقتوبە.