وتىرىستىڭ كۇن ءتارتىبى كەلىسىلدى

سەنات بيۋروسى جوعارعى پالاتانىڭ 2016 جىلعى 17 ناۋ­رىزدا بولاتىن كەزەكتى وتىرىسىنىڭ كۇن ءتارتىبىن كەلىستى, دەپ حابارلادى پالاتانىڭ ءباسپاسوز قىزمەتى. سەناتورلار قازاقستان مەن كورەيانىڭ ۇكىمەتتەرى ارا­سىنداعى كورەياداعى قازاق­ستان ازاماتتارىنىڭ جانە قازاق­ستانداعى كورەيا ازاماتتارىنىڭ ىشكى كورپوراتيۆتىك اۋىسۋلار شەڭ­بەرىندەگى ۋاقىتشا ەڭبەك قىزمەتى تۋرالى كەلىسىمدى; ازاماتتىق نەمەسە ساۋدا ىستەرى بويىنشا شەتەلدە دالەلدەمەلەردى الۋ تۋرالى كونۆەنتسيانى; بالالارعا الي­مەنتتەردى جانە وتباسىن كۇتىپ-با­عۋدىڭ باسقا دا نىساندارىن ءوندىرىپ الۋدىڭ حالىقارالىق ءتارتى­بى تۋرالى كونۆەنتسيانى جانە الي­مەنتتىك مىندەتتەمەلەرگە قول­دانىلاتىن قۇقىق تۋرالى حاتتامانى; قازاقستان مەن نورۆەگيا اراسىنداعى ادامداردىڭ رەادميسسياسى تۋرالى ۇكىمەتارالىق كەلىسىمدى راتيفيكاتسيالاۋ تۋرالى زاڭ جوبالارىن قارايدى. پالاتا «پوشتا تۋرالى», «لوتەرەيا جانە لوتەرەيا قىزمەتى تۋرالى» زاڭ جوبالارىن دا قارايتىن بولدى. زاڭناماعا بالانىڭ قۇقىقتارىن قورعاۋ; پوشتا; لوتەرەيالار جانە لوتەرەيا قىزمەتى; قازاقستاننىڭ «جاسىل ەكونوميكاعا» كوشۋى; ەكولوگيا; تۇتىنۋشىلاردىڭ قۇقىقتارىن قورعاۋ; استىق نارىعىن رەتتەۋ ماسەلەلەرى بويىنشا تۇزەتۋلەر ءبىرىنشى وقىلىمدا قارالاتىن بولىپ شەشىلدى. زاڭناماعا مەملەكەتتىك قىز­مەتتەر كورسەتۋ جانە مۇناي ءونىم­دەرىنىڭ جەكەلەگەن تۇرلەرىن ءوندى­رۋدى جانە ولاردىڭ اينالىمىن مەملەكەتتىك رەتتەۋ ماسەلەلەرى بويىنشا تۇزەتۋلەر ەكىنشى وقى­لىمدا تالقىلانادى.