استانا. 1 ناۋرىز. ايگىلى اكتەر, 1968 جىلى «وسكار» سىيلىعىنىڭ جەڭىمپازى دجوردج كەننەدي 91 جاسىندا دۇنيەدەن ءوتتى. بۇل تۋرالى «ينتەرفاكس» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
نەمەرەسى كوري شەنكەلدىڭ ايتۋىنشا, اكتەر ايداحو شتاتىنا قاراستى بويسە قالاسىندا قايتىس بولدى.
دجوردج كەننەدي – ەكىنشى دۇنيەجۇزىلىك سوعىستىڭ ارداگەرى, 16 جىل بويى اقش اسكەرىندە قىزمەت ەتكەن. سوعىستان ورالعان سوڭ, «شارادا» (Charade), «تىنىش, تىنىش, سۇيىكتى شارلوتتا» (Hush, Hush, Sweet Charlotte), «فەنيكستىڭ ۇشۋى» (Flight of the Phoenix) سەكىلدى بىرنەشە فيلمدەرگە تۇسكەن.
«سالقىنقاندى ليۋك» (Cool Hand Luke) جانە «اشىق قارۋ» (The Naked Gun: From the Files of Police Squad!) كينوكارتينالارى ارقىلى اتاعى شارىقتاي ءتۇستى.
1968 جىلى دجوردج كەننەدي «سالقىنقاندى ليۋك» دراماسىنداعى دراگلاين ءرولىن سومداعانى ءۇشىن «وسكار» سىلىعىنىڭ «ەكىنشى پلانداعى ۇزدىك اكتەرى» اتاعىن يەمدەندى. كينو ونەرىندەگى ەڭبەگىنە بايلانىستى گولليۆۋدتاعى «داڭق اللەياسىنىڭ» جۇلدىزى بەرىلگەن
ايان ءابدۋالي.
دەرەك: «ينتەرفاكس».
سۋرەت: kp.ru.