كەشە ورتالىق سايلاۋ كوميسسياسىنىڭ مۇشەسى مارات سارسەمباەۆ بارلىق دەڭگەيدەگى ءماسليحاتتار دەپۋتاتتىعىنا كانديداتتاردى تىركەۋدىڭ قورىتىندىلارى جانە ولاردىڭ ۇگىت ناۋقانىنىڭ باستالعانى تۋرالى بريفينگ وتكىزدى. بريفينگتە ول باق وكىلدەرىن سايلاۋ ناۋقانىنىڭ اتالعان كەزەڭىنىڭ جالپى قورىتىندىلارىمەن تانىستىردى.
مارات سارسەمباەۆتىڭ اتاپ وتكەنىندەي, قازاقستان رەسپۋبليكاسى ءماسليحاتتارى دەپۋتاتتارىنىڭ كەزەكتى سايلاۋىن ازىرلەۋ مەن وتكىزۋ جونىندەگى نەگىزگى ءىس-شارالاردىڭ كۇنتىزبەلىك جوسپارىنا سايكەس 2016 جىلعى 23 اقپاندا ءماسليحاتتار دەپۋتاتتىعىنا كانديداتتاردى تىركەۋ اياقتالدى. جالپى, رەسپۋبليكا بويىنشا وكرۋگتىك سايلاۋ كوميسسيالارى بارلىق دەڭگەيدەگى ءماسليحاتتار دەپۋتاتتىعىنا 10825 كانديداتتى تىركەدى. وسىلايشا, ورتاشا باسەكەلەستىك ءبىر دەپۋتاتتىق مانداتقا ءۇش ءۇمىتكەردەن كەلىپ وتىر.
تىركەلگەن كانديداتتاردىڭ 1592-ءسى وبلىستىق ماسليحاتتارعا, 121-ءى استانا قالاسىنىڭ ءماسليحاتىنا, 130-ى الماتى قالاسىنىڭ ءماسليحاتىنا تىركەلدى. اۋداندىق ءماسليحاتتار دەپۋتاتتارىنىڭ مانداتتارىنا 6862 كانديدات, ال قالالىق ماسليحاتتارعا 2120 كانديدات ۇمىتكەر. تىركەلگەن كانديداتتاردىڭ 3407-ءسىن ساياسي پارتيالار, 17-ءسىن قوعامدىق بىرلەستىكتەر ۇسىنعان, 7401 كانديدات ءوزىن ءوزى ۇسىنعاندار.
«2012 جىلعى سايلاۋمەن سالىستىرعاندا, تىركەلگەن كانديداتتار سانى 2016 جىلى 1660 ادامعا كوبەيدى, ياعني جەرگىلىكتى وكىلدى بيلىك ورگاندارىنا سايلاۋدا ءبىزدىڭ ازاماتتاردىڭ ەلەكتوراتتىق بەلسەندىلىگى ەداۋىر ءوستى. بۇگىننەن, ياعني 24 اقپاننان باستاپ ءماسليحاتتار دەپۋتاتتىعىنا ءتىركەلگەن كانديداتتار ۇگىت جۇمىسىنا كىرىسەدى. بارلىق 10 825 كانديدات ءوز سايلاۋالدى باعدارلامالارىن ۇسىنىپ, سايلاۋشىلار داۋسى ءۇشىن سايلاۋ زاڭناماسىنىڭ شەڭبەرىندە ءادىل باسەكەلى كۇرەس جۇرگىزەتىنىنە سەنىم بىلدىرەمىز», – دەدى ورتالىق سايلاۋ كوميسسياسىنىڭ مۇشەسى م.سارسەمباەۆ.