اقتوبە. 23 اقپان. اقتوبە قالاسىنداعى «ورلەۋ» اق فيليالى اقتوبە وبلىسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىندا مەيىرىمدىلىك كۇنىنە وراي «دونور كۇنى» قايىرىمدىلىق شاراسىن وتكىزدى. بۇل تۋرالى «كەرەكينفو» باسىلىمىنا سىلتەمە جاساعان egemen.kz حابارلادى.
شاراعا كۋرس تىڭداۋشىلارى جانە پروفەسسورلىق-وقىتۋشىلىق قۇرام, فيليال قىزمەتكەرلەرى بەلسەنە قاتىستى.
ادەتتەگىدەي اۋەلى دونور بولاتىن ادامنىڭ قان توبى, گەموگلوبين مولشەرى, انتيگەنى ەكسپرەسس زەرتتەۋلەر ارقىلى انىقتالادى. تالاپقا ساي بولسا, قانت قوسىلعان شاي بەرىلەدى. سوسىن بارىپ ءار ادامنىڭ دەنساۋلىق كورسەتكىشتەرىنە قاراي 350-450 ميلليليتر شاماسىندا قان الىنادى. ال دونورعا سول كۇنى تۇسكى اس ىشۋگە ءبىر رەتتىك 0,25 ايلىق ەسەپتىك كورسەتكىش كولەمىندە اقى بەرىلەدى.
اتالمىش ينستيتۋتتىڭ ءباسپاسوز حاتشىسى ايساۋلە ايپەيىسوۆانىڭ ايتۋىنشا, كۋرستا 106 تىڭداۋشىنىڭ 50-60-ى شاراعا قاتىسىپ, قان تاپسىرعان.
ساتىبالدى ءساۋىرباي.
دەرەك, سۋرەت: «كەرەكينفو».