جادىمىزدا جۇرەرسىز, وجان اعا

بەلگىلى جۋرناليست وجان امان­دىق ۇلى قالي 90 جاسقا قاراعان شا­عىن­دا دۇنيەدەن ءوتتى. وجان قالي سولتۇستىك قازاقستان وبلى­سىنىڭ ەسىل اۋدانىنداعى سارمان اۋىلىندا 1927 جىلى 1 قاڭ­تاردا ءدۇ­نيەگە كەلگەن. الماتى قالا­سىنداعى اباي اتىنداعى پەدا­گوگيكالىق ينستي­تۋتتى ءبىتىر­گەننەن كەيىن ەڭبەك جولىن پەتروپاۆل قالاسىندا مۇعالىمدىكتەن باستادى. 1957-1967 جىلدارى وبلىس­تىق «لەنين تۋى» گازەتىندە ادەبي قىز­­مەتكەر, ءبولىم مەڭگەرۋشىسى ءمىن­دەت­تەرىن ابىرويمەن اتقاردى. وسى جىلدار بەدەرىندە ويى الىمدى, قالامى قارىمدى جۋرناليست رەتىندە ءوڭىر جۇرتشىلىعىنا كەڭىنەن تانىلدى. 1969 جىلدان باستاپ شيرەك عاسىرعا جۋىق «سوتسياليستىك قازاقستان» (قازىر­گى «ەگەمەن قازاق­ستان») گازەتىنىڭ سول­تۇستىك قازاق­ستان جانە پاۆلودار وبلىستارى بويىنشا مەنشىكتى ءتىلشىسى بولىپ, پروبلەمالىق ماقالالارىمەن, پۋبليتسيستيكالىق تولعامدارىمەن وقىرماندار قوشەمەتىنە بولەنە ءبىلدى. ەكى تىلگە بىردەي جەتىك قارت قالامگەر سانالى عۇمىرىنىڭ 40 جىلىن قازاق باسپاسوزىنە ارناپ, «جىرعا لايىق جەڭەشەم», «ەحو ۆرەمەني», «سىرتولعاۋ», «ەلوردا», «بەۋ, قازاعىم», «قازاقستانىم!», تاعى باسقا شىعارمالار جازىپ قال­دىردى. سۋرەت سالۋ ونەرىمەن دە شۇعىلدانىپ, «قىلقالام يىرىمدەرى» اتتى سۋرەت-البومى رەسپۋبليكالىق جۇلدەگە يە بولدى. وجان اماندىق ۇلى ارداگەر­لەر ۇيىمىنىڭ بەلدى مۇشەسى رە­تىن­دە قوعامدىق جۇمىستارعا, جاس­تار ءتار­بيەسىنە بەلسەنە ارالاستى. سولتۇستىك قازاقستان وبلىسىنىڭ قۇرمەتتى ازاماتى اتاندى. ءباسپاسوز ارداگەرى, اياۋلى ازا­ماتتىڭ جارقىن بەينەسى ءاردايىم ءبىزدىڭ جادىمىزدا ساقتالادى. ەگەمەنقازاقستاندىقتار.