تاراز. 22 اقپان. جامبىل وبلىسىنىڭ شۋ اۋدانىندا كومباين قۇراستىرۋ ءىسى قولعا الىنباق. بۇل بەلارۋس ەلىنىڭ «ليداگروپرومماش» كومپانياسىنىڭ ارقاسىندا جۇزەگە اسادى. بۇل تۋرالى جامبىل وبلىسى اكىمى اپپاراتىنىڭ ماجىلىسىندە وبلىس اكىمىنىڭ ورىنباسارى ابدالى توقبەرگەنوۆتىڭ اقپارى بويىنشا egemen.kz ءى حابارلادى.
«وتكەن اپتادا استانادا بولىپ, شۋ اۋدانىندا كومباين قۇراستىرۋ ءىسىن قولعا الۋ باعىتىندا بىرقاتار كەلىسىم-شارتتارعا قول جەتكىزدىك. ەلىمىزدىڭ اۋىلشارۋاشىلىعى ءمينيسترى جانە باسقا دا ءتيىستى مەكەمە باسشىلارىمەن كەزدەسىپ, ناتيجەسىندە ولار بۇل باستامانى تولىق قولداپ وتىر» دەدى وبلىس اكىمىنىڭ ورىنباسارى ابدالى توقبەرگەنوۆ.
كومباين قۇراستىرۋ ءىسى جامبىل وبلىسى مەن بەلارۋس رەسپۋبليكاسىنىڭ گرودنەنسك وبلىسىنىڭ اراسىنداعى ىنتىماقتاستىق تۋرالى كەلىسىم-شارتتىڭ نەگىزىندە جۇزەگە اسىپ وتىر. زاۋىت بيىلعى جىلدىڭ وزىندە 100 دانا كومباين شىعارۋدى جوسپارلاۋدا. جانە بۇل كومباينداردى «قازاگروقارجى» اق ارقىلى شارۋالارعا ليزينگكە بەرۋ ماسەلەسى قاراستىرىلۋدا.
ورالحان ءداۋىت.
دەرەك, سۋرەت: egemen.kz