كوكشەتاۋ. 22 اقپان. اقمولا وبلىسىندا تاۋەلسىزدىك جىلدارى 552 سپورت شەبەرى دايىندالدى. بۇل تۋرالى «اقمولا مەديا ورتالىعى» ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
تاۋەلسىزدىك جىلدارى وبلىستا 9 جاڭا سپورت مەكتەبى اشىلىپ, سپورتپەن اينالىسۋشىلاردىڭ سانى ەكى وسكەن. بۇل 185 مىڭ ادام نەمەسە ءوڭىر تۇرعىندارىنىڭ 25 پايىزىن قۇرايدى. سالانى قارجىلاندىرۋ سوڭعى 13 جىلدا 12 ەسە وسسە, 2015 جىلى سپورتقا 4,3 ميلليارد تەڭگە ءبولىنىپ وتىر. بۇل تۋرالى اقمولا وبلىستىق دەنە شىنىقتىرۋ جانە سپورت باسقارماسىنىڭ باسشىسى نادەجدا پاتيۋتكينا «تاۋەلسىزدىك جىلدارىنداعى سپورتتىق جەتىستىكتەر» كونفەرەنتسياسىندا مالىمدەدى.
كونفەرەنتسيادا ءسوز سويلەگەن وبلىستىق جوعارى سپورت شەبەرلىگى مەكتەبى ديرەكتورىنىڭ ورىنباسارى روزا جۇماعۇلوۆا وسى 25 جىلدا 445 سپورت شەبەرى, 91 حالىقارالىق دارەجەدەگى سپورت شەبەرى جانە 6 ەڭبەك سىڭىرگەن سپورت شەبەرى دايىندالعانىن اتاپ ءوتتى. ولاردىڭ قاتارىندا اناتولي حراپاتىي, سەرگەي كوپىتوۆ, دميتري گااگ, يرينا نەكراسوۆا, ماريا گرابوۆەتسكايا, نيكولاي چەبوتكو سياقتى الەمدىك دەڭگەيدەگى ساڭلاق سپورتشىلار بار.
سونداي-اق, قازاقستان ۇلتتىق قۇراما كومانداسىنا قابىلدانعان سپورتشىلار سانى دا ارتىپ وتىر. 1991 جىلى 30 ادام بولسا, 2015 جىلى 323 اقمولالىق سپورتشى رەسپۋبليكا نامىسىن قورعادى.
باقبەرگەن امالبەك.
دەرەك, سۋرەت: «اقمولا مەديا ورتالىعى».