قوستاناي. 22 اقپان. قوستانايدا ءىلياس وماروۆ اتىنداعى وبلىستىق قازاق دراما تەاترىندا اقىن اقىلبەك شاياحمەتوۆتىڭ شىعارماسى بويىنشا قويىلعان «وكىنىش» سپەكتاكلىنىڭ پرەمەراسى ءوتتى. بۇل تۋرالى egemen.kz ءتىلشىسى حابارلادى.
قويىلىم حح عاسىردىڭ ەكىنشى جارتىسىنان باستالعان حالقىمىز قاسىرەتىنىڭ ءبىرى – قارتتار ءۇيى, تاستاندى قاريالار, ۇرپاق تاربيەسى تۋرالى وي قوزعايدى. شىعارمادا ءوز بالاسى مەن كەلىنىنە سىيماي قارتتار ۇيىندە تۇرىپ جاتقان قاريالاردىڭ وي-تولعانىستارى بەرىلەدى. تاعدىردىڭ مۇنداي سىناعىنا كىم كىنالى؟ تاسباۋىر بالا ما, كورگەنسىز كەلىن بە, الدە بالا تاربيەسىنەن وسالدىق جىبەرگەن ءوزى مە, جوق قاتىگەزدەنىپ بارا جاتقان قوعام با؟ وسى ساۋالدارعا قارتتار ۇيىندە وتىرعان قاريالاردىڭ وزدەرى جاۋاپ ىزدەيدى. ءبىرى قوعامدا ۇلتتىق يدەولوگيا جوق دەسە, ءبىرى بۇگىنگى جاس ۇرپاقتىڭ ساناسىن جاۋلاپ العان ۇيدەگى كوك جاشىك تەلەۆيزور ەكەنىن ايتادى. قوعامنان مەيىرىم-شاپاعاتتىڭ كوتەرىلىپ كەتكەنى دە قارتتار اۋزىمەن ايتىلادى. ساحناداعى كەيىپكەردىڭ ءبىرى جاس كۇنىندە قاتەلىكتى كوپ جىبەرگەنىن ايتادى. بۇل دا وكىنىش وزەگىن تەسكەن كەيبىر اعا ۇرپاق وكىلدەرى ءومىرىنىڭ شىندىعى.
«قازاق حالقىندا «اتا-اناڭ جىندى بولسا بايلاپ باق» دەگەن ءسوز بار. ولار قانداي بولعاندا دا, بالاعا ءومىر سىيلادى, اق ءسۇتىن بەرىپ ءوسىردى, باقتى-قاقتى, جەتكىزدى. اتا-اناسىن باقپاي, قاراماي كەتۋ, ۇيىنەن شىعارىپ تاستاۋ حالقىمىز تاريحىندا بولماعان. وسى شىعارما جاستاردىڭ جۇرەگىنە مىسقالداي دا بولسا وي سالسا, ماقساتتىڭ ورىندالعانى», – دەدى پەسا اۆتورى اقىلبەك شاياحمەت. باس-اياعى ءبىر ساعاتقا جەتپەيتىن سپەكتاكل ءوزىنىڭ مازمۇندىلىعىمەن كورەرمەندەردى باۋراپ الدى. قوعامنىڭ بۇگىنگى اششى شىندىعىن كورسەتۋدە شىعارما اۆتورى اقىلبەك شاياحمەت, رەجيسسەر ەرجان قاۋلەنوۆ, سۋرەتشى مارالبەك نۇرماحانوۆ شىعارماشىلىق توپپەن جۇمىس ىستەگەنى, ءبىرىنىڭ ايتار ويىن كەيىنگىلەرى جاقسى قولداعانى بايقالادى.
ءنازيرا جارىمبەتوۆا.
دەرەك, سۋرەت: egemen.kz.