استانا. 21 اقپان. سيريانىڭ داماسك, حومس قالالارىندا بولعان بىرنەشە جارىلىستان 80-نەن استام ادام قازا تاۋىپ, ونداعان تۇرعىن ءتۇرلى جاراقات الدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
داماسك قالاسىنا تاياۋ ماڭايدا ءبىر ۋاقىتتا ءتورت جارىلىس بولدى. سالدارىنان 30-عا جۋىق تۇرعىن مەرت بولدى. ال حومس قالاسىندا اۆتوتۇراقتاعى جەرگىلىكتى ۋنيۆەرسيتەتتەرگە ارنالعان ميكرواۆتوبۋس جارىلىپ, 57 ادام كوز جۇمدى. سونداي-اق, جۇزدەن استامى ءتۇرلى جاراقات الدى.
داماسك قالاسى لاڭكەستەر ءجيى شابۋىلدايتىن قالالاردىڭ ءبىرى. سوڭعى رەت 31 قاڭتاردا بۇل قالادا 70 ادام قۇربان بولىپ, جۇزگە جۋىعى ءتۇرلى جاراقات العان.
ايان ءابدۋالي.
دەرەك: تاسس.
سۋرەت: ria.ru.