استانا. 21 اقپان. اقش-تىڭ لۋيزيانا شتاتىنداعى تۇرمەدە جازاسىن وتەپ, 43 جىل بويى ءبىر كىسىلىك كامەرادا قاماۋدا وتىرعان ادام بوستاندىققا شىقتى. بۇل تۋرالى BBC-گە سىلتەمە جاساعان egemen.kz ءتىلشىسى حابارلادى.
البەرت ۆۋدفوكس ەسىمدى افروامەريكالىقتى 1972 جىلدىڭ ساۋىرىندە تۇرمەدە بولعان ب ۇلىكتەن كەيىن جالعىز ادامدىق كامەراعا قاماۋ تۋرالى ۇكىم شىعارىلعان. اتالعان ب ۇلىك سالدارىنان تۇرمە كۇزەتشىلەرىنىڭ ءبىرى قازا تاپقان بولاتىن.
ۆۋدفوكستى بىرەسە كۇزەتشىنىڭ ولىمىنە كىنالى دەپ تانىسا, ەندى بىردە ونىڭ جازىعى جوق ەكەنى انىقتالىپ, بۇل ىسكە قاتىستى سوڭعى شەشىم شىعارۋ ۇزاققا سوزىلعان. الايدا, ونى 2ح3 مەترلىك كامەرادان شىعارۋ تۋرالى ءسوز قوزعالماعان. سونىڭ سالدارىنان 43 جىل بويى تاۋلىكتىڭ 23 ساعاتىن اتالعان ورىندا وتكىزگەن البەرت ۆۋدفوكس كۇنىنە ءبىر ساعات قانا تازا اۋا جۇتۋ ءۇشىن جان-جاعى بيىك بەتون دۋالمەن قورشالعان اۋلاعا شىعارىلعان.
العاشىندا البەرت ۆۋدفوكس قارۋ قولدانىپ, توناعانى ءۇشىن تۇرمەگە وتىرعىزىلعان ەكەن. سونداي-اق, ول افروامەريكالىقتاردىڭ قۇقىن قورعاعان «قارا قابىلان» («چەرنايا پانتەرا») راديكالدى ۇيىمىنىڭ نەگىزىن قالاۋشىلاردىڭ ءبىرى سانالدى.
The Guardian باسىلىمىنىڭ حابارلاۋىنشا, ۆۋدفوكس اقش تۇرمەلەرىندەگى ءبىر كىسىلىك كامەرادا وتىرۋ مەرزىمى بويىنشا رەكورد جانارتقان.
ەلامان قوڭىر.
دەرەك: BBC.
سۋرەت: ntv.ru.