كەشە ۇكىمەت ۇيىندە قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆ بەينەكونفەرەنتسيا پىشىمىندە رەسەي فەدەراتسياسى ۇكىمەتى توراعاسىنىڭ ءبىرىنشى ورىنباسارى يگور شۋۆالوۆپەن كەلىسسوز ءجۇرگىزدى, دەپ حابارلادى پرەمەر-ءمينيستردىڭ باسپاسوز قىزمەتى.
تاراپتار قازاقستان مەن رەسەي اراسىنداعى ساۋدا-ەكونوميكالىق قارىم-قاتىناستار جاعدايىن, ونەركاسىپ, اۋىل شارۋاشىلىعى, كولىك ترانزيتى جانە اقپاراتتىق-كوممۋنيكاتسيالىق سالالارداعى ىنتىماقتاستىق جاعدايلارىن تالقىلادى.
كەلىسسوز بارىسىندا, سونداي-اق, مۇناي مەن گازدى تاسىمالداۋ, ەلەكتر قۋاتىن ءوزارا جەتكىزىپ بەرۋ, مونوپولياعا قارسى رەتتەۋ ماسەلەلەرى دە تالقىلاندى.
ونىڭ سىرتىندا باقىتجان ساعىنتاەۆ پەن يگور شۋۆالوۆ ەۋرازيالىق ەكونوميكالىق وداق شەڭبەرىندەگى كوكەيكەستى ماسەلەلەردى دە قاراستىردى.