«اكىم بول, حالقىڭا جاقىن بول» دەيتىن دانالىق اقمولا وبلىسىنا قاراستى ارشالى اۋدانىنىڭ اكىمى جومارت نۇركەنوۆكە قاراتىپ ايتىلعان با دەپ قالاسىڭ. جاقىندا ول ەل ارالاپ ءجۇرىپ, سارىوبا اۋىلىندا ءسابي كۇنىنەن مۇگەدەك ون ءۇش جاسار قايرات ەلەۋسىزگە ءوز قاراجاتى ەسەبىنەن مۇگەدەكتەر ارباسىن سىيلادى. وسىلاي «بەسىكتەن بەلى شىقپاي جاتىپ» تاعدىردىڭ زارىن تارتقان جاسوسپىرىمگە جاناشىر بولىپ, وعان ىزگىلىك تانىتتى.
«قۋانىشىمىزدا شەك جوق. مۇگەدەك جاندى كۇتكەن جان عانا ادام تاعدىرىنىڭ قانداي قيىن ەكەنىن تۇسىنەدى. بالامىزدىڭ ءوز قاتارلاستارىنان كەمدىك كورگەنى جانىمىزعا باتىپ, جۇرەگىمىزدى اۋىرتادى. امال نە, تاعدىردىڭ تەزىنە كىم قارسى تۇرا السىن», – دەپ مۇڭايادى قايراتتىڭ اكەسى سارشال ەلەۋسىز.
سوسىن اكىمگە دەگەن ءوزىنىڭ ريزاشىلىعىن ءبىلدىرىپ, العىسىن جولدادى. ەندى كوڭىل كىربىڭىنە شۋاق ۇيالاعان قايرات تا ءبىر ءسات مۇڭ-نالاسىن ۇمىتىپ, جۇزىنە كۇلكى ءۇيىرىلدى. ءبىز دە قوسا قۋاندىق.
باقبەرگەن امالبەك,
«ەگەمەن قازاقستان».
اقمولا وبلىسى.
ارشالى اۋدانى.