يانتاردىڭ دىڭىندە 20 ملن. جىلدىق ءشوپ وسكەن

الەم-جالەم الەم

امەريكانىڭ ورەگون شتاتىنداعى ۋنيۆەرسيتەت عالىمدارى يانتار دىڭىنەن 20 ملن. جىلعا جۋىق ۋاقىتتان بەرى تۇرعان بەلگىسىز ءبىر وسىمدىكتى كەزىكتىردى. زەرتتەۋشىلەر اتالعان يانتاردىڭ ءىشىن­دە ەكى جاپىراق بولىپ قالىپ قويعان بۇل وسكىندى قازىرگى فلورانىڭ ارعى بابالارى بولۋى مۇمكىن دەگەن بولجام ءبىل­دىردى. اتاپ ايتقاندا, ولار پلانەتاداعى وسىمدىكتەردىڭ ۇشتەن ءبىر بولىگىن قۇرايتىن, شامامەن 80 مىڭعا جۋىق ءتۇردىڭ ارعى شىعۋ تەگى بولىپ سانالاتىن استەريد توبىنا جاتاتىن بولسا كەرەك. ۇيقىنى رەتتەپ تۇراتىن دا گەن بار ەكەن California Institute of Technology توبىنىڭ عالىمدارى ومىرتقالىلار گەنومدارىنا كەڭ اۋقىمدى زەرتتەۋ جۇرگىزە كەلىپ, وداردىڭ ۇيقىنى رەتتەپ تۇراتىن گەندەرىن تاپتى. بۇل گەننىڭ شامادان تىس بەلسەندىلىك كورسەتۋى ادامداردىڭ ۇيقىسىزدىق اۋرۋىنىڭ اۋىر تۇرىنە شالدىعۋىنا اپارىپ سوقتىرادى ەكەن. ال مۇنداي گەنى جوق بالىقتار وڭايلىقپەن ۇيىقتاي قويمايدى. بۇعان قوسا, ولار كۇنى بويى مارعاۋ ءتىر­شىلىك ەتىپ, باياۋ قيمىل جاسايتىن كورىنەدى. ءبىر سۋرەتىنىڭ قۇنى – 1 ميلليون ەۋرو بەلگىلى پورتۋگال فۋتبولشىسى كريشتيانۋ رونالدۋدىڭ ءبىر سۋرەتى مەن بەس رەت بەرگەن قولتاڭباسىنىڭ قۇنى 1 ميلليون ەۋرودان اسىپ كەتىپتى. سپورتشى 2012 جىلى ءوزىنىڭ سۋرەتتەرىن تاراتۋ قۇقىعىن MIM كومپانياسىنا بەرگەن. وسىعان بايلانىستى Mobily-مەن كەلىسىمشارتقا وتىرعان. «رەالدىڭ» ليدەرى وسىنىڭ نەگىزىندە ءبىر رەتتىك ەسەپپەن 1,1 ملن. ەۋرو اقشا العان. بۇل ءۇشىن ول بار بولعانى بەس فۋتبولكاعا قول قويىپ, الەۋمەتتىك جەلىگە ەكى پوست جازىپ, ءبىر رەت سۋرەتكە تۇسكەن. دەمالۋشىلار دەلفيننىڭ بالاسىن قاۋمالاپ ءولتىردى ارگەنتينادا «قوي كورمەگەن قۋالاپ ءجۇرىپ ولتىرەدىنىڭ» كەرى كەلدى. بۋەنوس-ايرەس پروۆينتسياسىنداعى سانتا-تەرەزيتا كۋرورتى جاعالاۋىندا دەمالۋشىلار سىرتقا شىعىپ قالعان دەلفيننىڭ بالاسىن ۇستاپ كورمەككە تالاسىپ ءجۇرىپ, اقىرى ونى ءولتىرىپ تىندى. تولقىمالى توبىر جانۋاردى جاعالاۋدان كورگەن بويدا جابىلا قورشاپ الىپ, ارقايسىسى ونى قولدان قولعا كوشىردى. قىزىقتارى باسىلعاسىن, ونسىز دا ىستىق كۇننەن ءولۋ حالىنە جەتكەن ماق ۇلىقتى قايناپ جاتقان قۇمنىڭ بە­تىنە تاستاپ كەتە بارادى. سويتسە, بۇل دەلفيننىڭ سۋسىز جەر­دە كوپ ءومىر سۇرە المايتىن فرانتسيسكالىق سۇرپىنان بولىپ شىقتى. قالماقتار كيىز ۇيدەن بەس جۇلدىزدى مەيمانحانا اشپاقشى جاقىن ارادا قالماق ەلىندە كيىز ۇيدەن بەس جۇلدىزدى كوشپەلى وتەل قاتارعا قوسىلعالى تۇر. بۇل رەسپۋبليكادا كوشپەلى ءومىر سالتىن قىزىقتاۋعا قۇمارلارعا ارنالعان «ار­بالى-كيىز ءۇيلى» ءتۋريزمنىڭ ناعىز ءدۇر­مەگى باستالعالى تۇرعانىن كورسەتەدى. وسىعان بايلانىستى قازىر, كوكتەمگى ماۋسىم الدىندا ەلدەگى جولداردىڭ بويلارىنا اۋدەنتيكالىق دالا قونىستارى سالىنعالى جاتىر. بەلگيادا يمامدار ارنايى جالاقى الاتىن بولدى بەلگيانىڭ بيلىگى ەلدە مۇسىلماندار اراسىندا تولەرانتتىلىقتى ناسيحاتتاۋدى قولعا الاتىن يمامدار ءۇشىن 3,3 ميلليون ەۋروعا جۋىق جالاقى بەلگىلەدى. ەلدىڭ ادىلەت مينيسترلىگى بۇل شارانىڭ مۇسىلمان جاستارى اراسىنداعى راديكالدانۋ ۇدەرىسىن توقتاتۋعا مۇمكىندىك اپەرەتىنىن ايتىپ وتىر. مينيستر كوەن گەەنس ۇكىمەتتىڭ ەكسترەميزم مەن تەرروريزمگە قارسى كۇرەس شەڭبەرىندە بيىلدان باستاپ جاڭا مەشىتتەردە بەيبىت قا­تار ءومىر ءسۇرۋدى ۋاعىزدايتىن 80 يمامعا ارنايى ايلىق تولەيتىنىن اتاپ ءوتتى.  اقپارات اگەنتتىكتەرىنىڭ ماتەريالدارى نەگىزىندە دايىندالدى.