قازاقستاندىق اكتەر سانجار ماديەۆ رەسەيدىڭ «قورعاۋشىلار» فيلمىندە باستى رولدەردىڭ ءبىرىن وينادى. بۇل كينوتۋىندىدا كەڭەس زامانىنداعى جويقىن كۇش يەلەرىنىڭ ەرلىكتەرى باياندالادى.
ماماندار اتالعان كارتينانى گولليۆۋدتىڭ «يكس ادامدار» اتتى بلوكباستەرىنىڭ انالوگى رەتىندە باعالاپ وتىر. سەبەبى, بۇل فيلمدە دە تىلسىم كۇشكە يە سۋپەرقاھارمانداردان قۇرالعان توپ ز ۇلىمدىقپەن كۇرەسىپ, بەيبىتشىلىك ءۇشىن قان توگەدى.
وقيعا جەلىسى بويىنشا توپ مۇشەلەرى ۇزاق ۋاقىت وزدەرىنىڭ كىم ەكەندەرىن جاسىرىپ, قاراپايىم حالىقپەن بىرگە ءومىر ءسۇرەدى. ال ەل باسىنا كۇن تۋعان سوعىس كەزىندە ولار اتقا قونىپ, حالىقتى جاۋىزدىقتان قۇتقارادى. قاھارمانداردىڭ بارلىعى كسرو قۇرامىندا بولعان ءارتۇرلى ۇلتتىڭ وكىلدەرى. سوندىقتان فيلم بارىسىندا ءار مىقتىنىڭ ءوزىندىك ەرەكشەلىكتەرىمەن قاتار, ۇلتتىق بولمىسى مەن ءداستۇرى دە ەسكەرىلگەن.
س.ماديەۆ كارتينادا حان ەسىمدى جەلدەن دە جىلدام قورعاۋشىنىڭ ءرولىن وينايدى. سول سەبەپتى دە ونى توپ مۇشەلەرى جەل-ادام دەپ اتايدى.
ايتا كەتەيىك, ءفيلمنىڭ رەجيسسەرى ساريك اندرەاسيان دا قازاقستاننىڭ تۋماسى. ول قوستاناي قالاسىندا تۋىپ-وسكەن. رەجيسسەردىڭ ايتۋىنشا, جاڭا فيلم 2017 جىلدىڭ اقپان ايىندا كورەرمەن نازارىنا ۇسىنىلماق.
ەرنار مۇحامبەت.