دابىرا ۇرانداتۋلار از, ناقتى ىستەر كوپ بولۋعا ءتيىس

«نۇر وتان» پارتياسىنىڭ رەسپۋبليكالىق سايلاۋالدى شتابىندا بولعان كەزىندە ەلباسى ن.ءا.نازارباەۆ وسىلاي دەدى

مەملەكەت باسشىسى نۇرسۇلتان نازارباەۆ «نۇر وتان» پارتياسىنىڭ رەسپۋبليكالىق سايلاۋالدى شتابىندا بولدى, دەپ حابارلادى پرەزيدەنتتىڭ ءباسپاسوز قىزمەتى. ەلباسى, پارتيا توراعاسى «ۇگىت-ناسيحات جۇمىستارى جانە لوگيستيكا توبىنىڭ», «ۇيىمداستىرۋ جۇمىستارى توبىنىڭ» جانە «اقپاراتتىق-ساراپتامالىق توپتىڭ» قىزمەتىمەن تانىستى. سونداي-اق, قازاقستان پرەزيدەنتى وڭىرلىك شتابتار باسشىلارىمەن جانە مۇشەلەرىمەن بەينەكونفەرەنتسيا رەجى­مىندە كەڭەس وتكىزىپ, بارلىق وبلىستىق شتاب­تاردىڭ ۇگىت-ناسيحات ناۋقانىنا دايىن­دىعى تۋرالى ەسەپتەرىن تىڭدادى. نۇرسۇلتان نازارباەۆ بۇل جولعى ەلەكتوراتتىق كەزەڭ پارلامەنت ءماجى­لى­سى­مەن قاتار بارلىق دەڭگەي­دەگى ءماس­لي­حاتتار سايلاۋىنىڭ وتكىزىلە­تىن­دى­گىمەن ەرەكشەلەنەتىنىن ايتتى. – 20 اقپاننان سايلاۋ الدىنداعى ۇگىت-ناسيحات باستالادى. «نۇر وتان» پارتياسىنىڭ XVII سەزىنەن كەيىن بۇكىل ەلدە ەلەۋلى جۇمىستار اتقارىلدى. قا­جەتتى ۇگىت-ناسيحاتتىق ونىمدەر دايار­لان­دى, رەسپۋبليكالىق جانە وڭىرلىك شتاب­تار قۇرىلدى, پارتيانىڭ كانديدات­تارى سايلاۋ الدىنداعى ناۋقانعا دايىن. پارتيالىق تىزىمگە ەكونوميكا سالا­لارىندا, مادەنيەت پەن قوعامنىڭ الەۋ­مەتتىك ومىرىندە جۇمىس تاجىريبەسى بار, الۋان ءتۇرلى كاسىپتىڭ ماماندارى كىردى. بۇل حالىق مۇقتاجدىقتارىن شەشەتىن كان­ديداتتاردىڭ قۇرامى ساپالى ەكەنىن كورسەتەدى. ءبىزدىڭ پارتيا سايلاۋشىلاردىڭ داۋى­سىن يەلەنۋ ءۇشىن سايلاۋ الدىندا اشىق ءارى ءادىل كۇرەس جۇرگىزۋگە نيەتتى ەكە­نىنە سەنىمدىمىن. تۇراقتى ديالوگ جۇرگىزىپ, ازاماتتارىمىزدىڭ ساۋالدارىنا دەرەۋ ءۇن قاتۋ كەرەك. ءبىزدىڭ جۇمىسىمىزداعى نەگىزگىسى وسى, – دەدى قازاقستان پرەزيدەنتى. مەملەكەت باسشىسى كەز كەلگەن ساياسي پارتيا ءۇشىن سايلاۋ شەشۋشى ءسات ەكەنىن اتاپ ءوتتى. – سايلاۋ قورىتىندىسى بويىنشا پارتيانى عانا ەمەس, ونىڭ ماقساتتارى مەن باعدارلامالارىن قولداۋ دەڭگەيى دە انىقتالادى. ەلەكتوراتتىق ناۋقان ۇيىمداستىرۋشىلىق جانە كادرلىق الەۋەتتى, ساياسي جانە پراكتيكالىق ءمۇم­كىندىكتەردى جاڭا قىرىنان اشۋعا ءمۇم­كىندىك بەرەدى. سايلاۋ ناۋقاندارى پار­تيا كادرلارىن نىعايتادى جانە جاڭار­تادى, ونى جاڭا بەلسەندىلەرمەن, جاق­تاس­تارمەن تولىقتىرادى, بولاشاقتا ەل باس­شىلىعىنا ارالاساتىن تالانتتى ساياسات­كەرلەردى تانىتادى. ءاربىر سايلاۋ – پارتيا قۇرىلىسىنداعى جاڭا باسپالداق, – دەدى نۇرسۇلتان نازارباەۆ. قازاقستان پرەزيدەنتى الداعى ۇگىت-نا­سيحات ناۋقانىنىڭ نەگىزگى اسپەكتىلەرىنە توق­تالدى. اتاپ ايتقاندا, ەلباسى «نۇر وتان» بۇگىندە داعدارىسقا قارسى تۇراق­تان­دىرۋشى پارتيا بولىپ سانالاتىنىنا نازار اۋداردى. – ءوزىمىزدىڭ ساياسي, زاڭ شىعارۋشىلىق باي تاجىريبەمىزدى, كادرلىق الەۋەتىمىزدى ءبىز جاھاندىق داعدارىستىڭ ىقپالىنا قارسى ءتيىمدى ءىس-قيمىل جاساۋعا باعىتتايمىز. مەنىڭ تاياۋدا وتكەن ۇكىمەت وتىرىسىندا داعدارىسقا قارسى كۇرەس جونىندە بەرگەن تاپسىرمالارىمنىڭ ماڭىزدىلىعىن بارلىق قازاقستاندىقتارعا تۇسىندىرۋگە ايرىقشا دەن قويۋ قاجەت, – دەدى مەملەكەت باسشىسى. قازاقستان پرەزيدەنتى پارتيانىڭ نەگىزگى مىندەتى ۇلت جوسپارىن ءتيىمدى ورىنداۋ, «قازاقستان-2050» ستراتەگياسىنىڭ باستى ماقساتىنا قول جەتكىزۋ, سونداي-اق, «نۇرلى جول» مەملەكەتتىك باعدارلاماسىن جۇزەگە اسىرۋ بولىپ تابىلاتىنىن ايتتى. – تۇپتەپ كەلگەندە, وسىنىڭ ءبارى ءاربىر ازاماتىمىز ءۇشىن جاعداي جاسايدى. وسىنىڭ ءبارى ءاربىر قازاقستاندىق لايىقتى جۇمىسپەن قامتىلىپ, جوعارى كاسىبي بىلىكتىلىككە يە بولۋى ءۇشىن جاسالۋدا, – دەدى نۇرسۇلتان نازارباەۆ. مەملەكەت باسشىسى سايلاۋ شتابتارى قاراپايىم ازاماتتاردىڭ مۇڭ-مۇقتاجىنا ايرىقشا كوڭىل بولگەنى ءجون ەكەنىن ايتتى. – ەلەكتوراتتىق كەزەڭدە قوعامدىق قابىلداۋلاردىڭ جۇمىستارىن جانداندىرۋ ماڭىزدى. دەپۋتاتتىققا كانديداتتار كۇندەلىكتى ءتارتىپ بويىنشا ازاماتتاردى قابىلداۋى ءتيىس. سەنىمدى تۇلعالار بەلسەندى جۇمىس ىستەۋى كەرەك. جۇرتتاردىڭ بارلىق ساۋالدارىنا جەدەل ءارى ناقتىلى ءۇن قاتىپ, ماسەلەلەرىن شەشۋگە كومەكتەسۋ قاجەت, – دەدى قازاقستان پرەزيدەنتى. نۇرسۇلتان نازارباەۆ ازاماتتىق تاتۋ­لىق, قۇقىق ءتارتىبى, زاڭعا باعىنۋشىلىق «نۇر وتان» پارتياسى قوعامدا ورنىقتىرۋعا ۇمتىلىپ وتىرعان باستى نەگىزدەر ەكەنىنە نازار اۋداردى. – بىرلىك, تۇراقتىلىق, جاسامپازدىق – ءبىزدىڭ بارشا قازاقستاندىقتارعا تاستايتىن باستى پارتيالىق ۇرانىمىز, – دەدى مەملەكەت باسشىسى. قازاقستان پرەزيدەنتى الەمدىك احۋالدىڭ شيرىعۋى جاعدايىندا ءبىزدىڭ ەل تەڭگەرىمدى سىرتقى ساياسات جۇرگىزىپ, جاھاندىق ديالوگتى ىلگەرىلەتىپ, سەنىمدى قالپىنا كەلتىرۋگە شاقىراتىنىن ايتتى. – ءبىزدىڭ سىرتقى ساياسي باعدارىمىز – قازاقستانمەن ءوزارا ءىس-قيمىلعا مۇددەلى بارلىق مەملەكەتتەرمەن ءتيىمدى ىنتىماقتاستىق ورناتۋ. ءبىزدىڭ شەكارامىز ارقاشان دوستىق پەن تاتۋ كورشىلىكتىڭ شەكاراسى, ال بۇكىل ورتالىق ازيا ءوڭىرى تۇراقتى ءارى قاۋىپسىز بولىپ قالۋى ءتيىس. ءبىز ۇلكەن ەۋرازيانى سەنىمنىڭ, ىنتىماقتاستىقتىڭ, تىعىز ەكونوميكالىق بايلانىستاردىڭ, ورتاق قاۋىپسىز كەڭىستىكتىڭ قۇرلىعى رەتىندە قالىپتاستىرۋ جاعىندامىز, – دەدى نۇرسۇلتان نازارباەۆ. مەملەكەت باسشىسى جاڭا سايلاۋالدى باع­دار­لامانىڭ ەرەجەلەرى قازاقستاندى جاڭا جا­ھاندىق ناقتى احۋال جاعدايىندا تابىستى دامىتۋ جونىندەگى پراگماتيكالىق مىندەتتەردى قامتيتىنىن ايتتى. – جاڭا جاعدايلارعا بەيىمدەلۋ قاجەت. شيكىزات باعاسىنىڭ كوتەرىلۋىن كۇتپەي, كۇن سايىن قاجىرلى ەڭبەكتەنۋ كەرەك. الەمدە پايدالى قازبالارسىز دا ءومىر ءسۇرىپ جاتقان دامىعان ەلدەردىڭ مىسالى كوپ, – دەدى قازاقستان پرەزيدەنتى. نۇرسۇلتان نازارباەۆ «نۇر وتاننىڭ» بارلىق ازاماتتارعا تۇسىنىكتى سايلاۋالدى ناۋقانىن جۇرگىزۋى كەرەكتىگىن ايتتى. – شەرۋلەتۋ مەن جاساندىلىقتىڭ قاجەتى جوق. ارينە, بۇقارالىق ۇگىت شارالارى ماڭىزدى, بىراق باستىسى بۇل ەمەس. ءاربىر ادامعا ءسوزىمىز جەتۋى, جۇمىسىمىزدىڭ ءمانىن باق پەن بەلسەندىلەر ارقىلى ءتۇسىندىرۋ ماڭىزدىراق. دابىرا ۇرانداتۋلار از, ناقتى ىستەر كوپ بولۋعا ءتيىس. بۇل ءۇشىن پارتيالىقتار قوعامنىڭ بارلىق توپتارىنىڭ – اۋىل مەن قالا تۇرعىندارىنىڭ, كاسىپكەرلەر مەن زيالى قاۋىمنىڭ مۇڭ-مۇقتاجىن ءبىلۋى جانە ەسكەرۋى كەرەك. ەلەكتوراتتىق كەزەڭدى ازاماتتارىمىزدى توپتاستىرۋعا, قوعامداعى تۇراقتىلىق پەن بىرلىكتى ودان ءارى نىعايتۋعا قولدانۋ قاجەت, – دەدى مەملەكەت باسشىسى. قازاقستان پرەزيدەنتى بارلىق پارتيا ۇيىمدارى مەن سايلاۋ شتابتارى قولدانىستاعى سايلاۋ زاڭناماسىن جانە ەلىمىزدىڭ كونستيتۋتسياسىن قاتاڭ ساقتاۋدىڭ ۇلگىسى بولا بىلۋگە ءتيىس ەكەنىنە نازار اۋداردى. – بۇگىندە سايلاۋعا قاتىساتىن بارلىق سايا­سي پارتيالار ءۇشىن ابسوليۋتتىك تەڭ قۇقىق قام­تا­ماسىز ەتىلگەن. ينۆەستيتسيالار جانە دامۋ ءجونىن­دەگى مينيسترلىك ورتالىق سايلاۋ كوميسسياسى­مەن بىرلەسىپ, بارلىق ساياسي پارتيالار ءۇشىن بۇقا­رالىق اقپارات قۇرالدارىنا تەڭدەي قول جەتكىزۋ مۇمكىندىگىن قامتاماسىز ەتۋى كەرەك. الدا­عى سايلاۋ حالىقارالىق قوعامداستىقتىڭ زور قى­زى­عۋشىلىعىن تۋدىرىپ وتىر. ءبىز بارلىق شەتەل­دىك بايقاۋشىلار, حالىقارالىق قوعامدىق بىرلەس­تىكتەر ءۇشىن اشىقپىز جانە ولارعا قاجەتتى بارلىق جاعدايدى جاسايمىز, – دەپ اتاپ ءوتتى نۇرسۇلتان نازارباەۆ. مەملەكەت باسشىسى باس پروكۋراتۋراعا قازىرگى ەلەكتوراتتىق تسيكل بارىسىندا زاڭدىلىقتىڭ قاتاڭ ساقتالۋىن قاداعالاۋ, ونداي جايتتار بايقالعان جاعدايدا جەدەل شارالار قابىلداۋ تاپسىرىلعانىن ايتتى. نۇرسۇلتان نازارباەۆ الداعى ءماجىلىس جانە ءماسليحاتتار سايلاۋلارىنىڭ ەلەۋلى تاريحي وقيعا جىلىندا – قازاقستان تاۋەلسىزدىگىنىڭ 25 جىلدىعىندا وتكەلى وتىرعانىنا توقتالدى. – وسى ۋاقىت ىشىندە ءبىز بۇكىل الەمگە تانىمال تابىستى مەملەكەت قۇرىپ ۇلگەردىك. مەنىڭ ەسىمە بۇۇ-نىڭ بۇرىنعى باس حاتشىسى ك.انناننىڭ ءسوزى ءتۇسىپ وتىر, ول ەلىمىزدە بولعاندا قازاقستاندى ءبىزدىڭ الەم كارتاسىنا ورنالاستىرعانىمىزدى ايتىپ ەدى. شىنىندا دا سولاي. تاۋەلسىزدىكتىڭ باستاپقى شيرەك عاسىرى حالقىمىز ءۇشىن قيىن شەشىمدەر مەن سىناقتار جىلدارى بولدى. ءبىز بىرنەشە داعدارىستى تابىستى ەڭسەردىك, – دەدى قازاقستان پرەزيدەنتى. مەملەكەت باسشىسى «نۇر وتاننىڭ» 17 جىلدان بەرى ۇكىمەتتى قۇراپ, حالىقتى سوڭىنان ەرتىپ كەلە جاتقان جانە پارلامەنتتە كوپشىلىك ورىنعا يە پارتيا ەكەنىن ەسكە سالدى. – «نۇر وتانمەن» بىرگە قازاقستان كوپ نارسەگە قول جەتكىزدى. ءبىزدىڭ پارتيا – بۇگىن نە ىستەۋ كەرەك ەكەندىگىن بىلەتىن ساياسي كۇش. ءبىر كەزدە كونفۋتسي: «حالىقتى باسقارعىڭ كەلسە, ونىڭ سوڭىنا ەر» دەگەن. ءبىز وسى جىلداردىڭ بارىندە ناق سولاي ىستەدىك. ءبىزدىڭ تەرەڭ ويلاستىرىلعان ستراتەگيا جانە جوسپارلارىمىز بار, ءبىز ەلىمىز تەك العا باسۋ ءۇشىن قوعامدى ۇيىستىرىپ, قازاقستاندى دامىتۋ ماقساتىن كوزدەپ وتىرمىز. ءبىزدىڭ بارلىق پارتيالىق شتابتارىمىز ورتالىقتا دا, جەرگىلىكتى وڭىرلەردە دە قارقىندى سايلاۋالدى جۇمىسىن جۇرگىزەدى دەپ سەنەمىن. بۇل ءۇشىن رەسۋرستار, كادر­لار, ميلليونداعان جاقتاۋشىلارىمىزدىڭ قولداۋى – قاجەتتىنىڭ ءبارى بار, – دەدى نۇرسۇلتان نازارباەۆ. سونداي-اق, قازاقستان پرەزيدەنتى ءبىزدىڭ ەل اياسىندا قازاقستاننىڭ كوپۇلتتى حالقى تۇراتىن جانە بارشانىڭ تەڭ قۇقىعى قامتاماسىز ەتىلگەن الىپ شاڭىراققا اينالعانىن ايتتى. – بۇل قاعيداتتار ءبىزدىڭ كونستيتۋتسيامىزدا جانە زاڭدارىمىزدا كورىنىس تاپقان, «نۇر وتان» پارتياسى ولاردىڭ قاتاڭ ساقتالۋىنا قول جەتكىزۋى ءتيىس. قانداي دا ءبىر ەتنوستىڭ قۇقىعى بۇزىلۋىنا جول بەرۋگە بولمايدى. ادامزاتتىڭ بۇكىل تاريحىندا ءوزىنىڭ وزگەلەردەن ارتىقشىلىعىن ايتقان بىردە-ءبىر ۇلت تابىسقا جەتكەن ەمەس. تاۋەلسىزدىك تاريحى ءبىزدى بىرلىككە, ەڭبەكسۇيگىشتىككە, تۇتاستىققا ۇيرەتتى, – دەدى مەملەكەت باسشىسى. نۇرسۇلتان نازارباەۆ قازاقستاندىقتاردىڭ قازىرگى جاس بۋىنىنىڭ ۇلەسىنە تاۋەلسىز جاڭا مەملەكەتتى قۇرۋ ميسسياسى تيگەنىن اتاپ ءوتتى. – ءبىز كەرەمەت ەلدە جانە كەرەمەت كەزەڭدە ءومىر ءسۇرىپ وتىرمىز. ءدال وسى جىلدار تاريحقا كىرەدى جانە بۇل كەزەڭ تۋرالى كىتاپتار جازىلاتىن بولادى, ءبىزدىڭ مىندەتىمىز – قازاقستاندى ءوزىمىز جانە ۇرپاقتارىمىز ءۇشىن شاتتىققا تولى شاڭىراققا اينالدىرۋ, – دەدى مەملەكەت باسشىسى. سونداي-اق, قازاقستان پرەزيدەنتى بۇقارالىق اق­پارات قۇرالدارى وكىلدەرىنە ءسوز ارناپ, ولار بارلىق كەم-كەتىكتى جاريالاپ-كورسەتۋ ارقىلى مەم­لە­كەتتى نىعايتۋ ىسىنە ءوز ۇلەسىن قوسۋى تيىستىگىن ايتتى. – ناعىز پاتريوت – ءوز ەلىن ماقتايتىن ادام ەمەس, قايتا كەمشىلىكتەردى كورىپ, ۇنامسىز تۇس­تار­دى جوندەۋگە ىقپال ەتەتىن ادام. سايلاۋ جا­ل­پىحالىقتىق ءىس بولىپ سانالادى. ءبىز داعدارىستان مەملەكەتىمىزدەگى بىرلىك پەن تۇراقتىلىق ارقاسىندا ءوتىپ شىعا الامىز, – دەدى نۇرسۇلتان نازارباەۆ. سوڭىندا مەملەكەت باسشىسى قازاق­ستان­دىق­تاردى جۇمىلىپ, الداعى سايلاۋدا داۋىس بەرۋ ار­قىلى ازاماتتىق بورىشتارىن اتقارۋعا شاقىردى. سايلاۋالدى شتاب جەتەكشىسى ا.مىرزاحمەتوۆ قازاقستان پرەزيدەنتىنە ەلەكتوراتتىق ناۋقان مىندەتتەرىن جۇزەگە اسىرۋ ءۇشىن سايلاۋالدى شتابتار جۇيەسى قۇرىلعانىن باياندادى, وعان رەسپۋبليكالىق سايلاۋالدى شتابى, سونداي-اق, 16 وڭىرلىك جانە وبلىستارداعى, استانا مەن الماتى قالالارىنداعى 208 اۋماقتىق شتابتار كىرەدى. كەڭەس بارىسىندا, سونىمەن قاتار, قازاق ۇلتتىق ونەر ۋنيۆەرسيتەتىنىڭ رەكتورى ا.مۇساقوجاەۆا, «اتامەكەن» ۇلتتىق كاسىپكەرلەر پالاتاسى باسقارماسى توراعاسىنىڭ ورىنباسارى ن.التاەۆ, «كوممەرتسيالىق تەلەۆيزيالىق كانال» اق-تىڭ ءتول حابارلارىن تاراتۋ جونىندەگى ديرەكتورى ا.پلاتونوۆ ءسوز سويلەدى. سۋرەتتەردى تۇسىرگەندەر س.بوندارەنكو, ب.وتارباەۆ.