قاراعاندى. 17 اقپان. «شاحتەر» فۋتبول كلۋبى تۇركيادا وتكەن ەكىنشى وقۋ-جاتتىعۋ جيىنىن اياقتادى. بۇل تۋرالى كلۋبتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
وسى جيىننىڭ قورىتىندىسى بويىنشا كلۋبتىڭ جاتتىقتىرۋشىلارى اقىلداسا كەلىپ, كوماندادا ويناۋعا قۇلشىنىس بىلدىرگەن ءتورت بىردەي جاڭا ويىنشىنى, اتاپ ايتقاندا فەرناندو كوپەتە (نيكاراگۋا), وسەي رەنسفورد (گانا), رۋسلان كەنەتاەۆ (قازاقستاندىق جارتىلاي قورعاۋشى) جانە پەپە (پورتۋگاليا) سىندى فۋتبولشىلاردى كەرى قايتاردى.
«ءبىزدىڭ كوماندادا باسەكەلەستىك وتە جوعارى. نەگىزگى قۇرامدا تەك قانا لايىقتى ويىنشىلار ونەر كورسەتەتىن بولادى», – دەپ مالىمدەدى كلۋبتىڭ اتقارۋشى ديرەكتورى اسقار ابىلداەۆ.
«شاحتەر» كومانداسىنىڭ ءۇشىنشى وقۋ-جاتتىعۋ جيىنى 17-27 اقپان ارالىعىندا وتەدى دەپ جوسپارلانعان.
قايرات ءابىلدينوۆ.
دەرەك, سۋرەت: «شاحتەر» فۋتبول كلۋبىنىڭ ءباسپاسوز قىزمەتى.