پاۆلودار. 17 اقپان. حالىقارالىق KATEV قوعامدىق قورىنىڭ باستاماسىمەن وبلىس ورتالىعىنداعى «ەرتىس دارىنى» وقۋ-ادىستەمەلىك ورتالىعى قازاق-تۇرىك ليتسەي-ينتەرناتىندا 7-11 سىنىپ وقۋشىلارى اراسىندا قازاق تىلىنەن وليمپيادانىڭ وبلىستىق كەزەڭىن وتكىزدى. بۇل جايىندا «ەرتىس دارىنى» ورتالىعىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
وليمپيادا جۇمىسى 5 باعىت بويىنشا جۇرگىزىلدى: قازاق ءتىلى مەن ادەبيەتى, مانەرلەپ وقۋ, ۆوكال, عىلىمي جوبا, جازباشا شىعارماشىلىق جۇمىس. بايقاۋعا 64 وزگە ۇلت وكىلى, 76 اۋىل مەكتەپتەرىنەن, 70 دارىندى بالالارعا ارنالعان ارنايى ءبىلىم وردالارىنان كەلگەن وقۋشىلار قاتىستى. ولار «ءتىلشى-ادەبيەتشىلەر», «ءسوز شەبەرلەرى», «ءانشى-بۇلبۇلدار», «جاس عالىمدار», «جازۋشىلار» سايىستارىندا قازاق تىلىنەن ءبىلىم جارىسىنا ءتۇستى. سايىستىڭ ۇيىمداستىرۋ كوميتەتى ءادىل قازىلار مۇشەلەرى عالىمدار, مۇعالىمدەرگە «ءتىل جاناشىرى» سۋۆەنيرلەرىن تابىستادى.
وليمپيادانىڭ قورىتىندىسى بويىنشا جۇلدەلى ورىندار بىلايشا ورنالاسقان: ءى ورىن – 9, ءىى ورىن – 24, ءىىى ورىن – 37.
ايتا كەتەيىك, استانادا ناۋرىز ايىندا وتكىزىلەتىن ءVIىى رەسپۋبليكالىق وليمپياداسىنا وبلىستىق كەزەڭىنىڭ جەڭىمپازى بولعان 9 وقۋشى جىبەرىلەدى.
فاريدا بىقاي.
دەرەك, سۋرەت: egemen.kz.