ماجىلىستە جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى زاڭعا ەنگىزىلەتىن وزگەرىستەر تالقىلانۋى بارىسىندا دەپۋتات ازات پەرۋاشەۆ ارنايى سالىق رەجيمى بويىنشا بىرىڭعاي مولشەرلەمە ەنگىزۋ ماسەلەسىن قايتا قاراۋدى ۇسىندى, دەپ حابارلايدى Egemen.kz.
دەپۋتاتتىڭ ايتۋىنشا, قازىرگى تاڭدا كەيبىر وڭىرلەردە وبلىس ورتالىقتارىندا ارنايى سالىق رەجيمىنىڭ مولشەرلەمەسى 2-3 پايىزعا دەيىن تومەندەتىلگەن, ال اۋدانداردا ول 4 پايىز دەڭگەيىندە ساقتالعان.
سالىق كودەكسىنە تۇزەتۋلەر: قارجى سەكتورىنا قاتىستى بىرقاتار ۇسىنىس قولداۋ تاپتى
وسى جاعداي كاسىپكەرلەردىڭ وبلىس ورتالىقتارىنا تىركەلۋىنە تۇرتكى بولىپ, ناتيجەسىندە اۋداندار بيۋدجەتىنە تۇسەتىن سالىق تۇسىمدەرىنىڭ ازايۋىنا اكەلىپ وتىر.
«كاسىپكەرلەر ءۇشىن وبلىس ورتالىعىندا تىركەلۋ تيىمدىرەك بولىپ وتىر, ال بۇل اۋدانداردىڭ كىرىسىن ازايتادى. بۇل ديسپروپورتسيا. باستاپقىدا ءبىز ارنايى سالىق رەجيمى بويىنشا ەل اۋماعىندا بىرىڭعاي مولشەرلەمە ەنگىزۋدى ۇسىنعانبىز», دەدى ازات پەرۋاشەۆ.
ءماسليحات تاراتىلعان جاعدايدا دەپۋتاتتارعا جاردەماقى بەرىلۋى مۇمكىن
ول بۇل ماسەلەنى الداعى ۋاقىتتا سالىق كودەكسىنە وزگەرىستەر ەنگىزۋ بارىسىندا قايتا قاراۋ قاجەتتىگىن اتاپ ءوتتى.
ايتا كەتەيىك, جاڭا سالىق كودەكسى جوباسىندا ارنايى سالىق رەجيمى بويىنشا بازالىق مولشەرلەمە 4 پايىز دەڭگەيىندە بەلگىلەۋ ۇسىنىلعان. سونىمەن قاتار ماسليحاتتارعا ونى ءوڭىر مەن قىزمەت تۇرىنە قاراي 2-6 پايىز ارالىعىندا وزگەرتۋ قۇقىعىن بەرۋ قاراستىرىلعان.