«قازاقستاندا جاسالعان» بەلگىسى بار وتاندىق تاۋار تاڭباسى ەندى ماركەتپلەيستەردە دە پايدا بولادى. بۇل تۋرالى ساۋدا جانە ينتەگراتسيا مينيسترلىگى حابارلادى, دەپ جازادى Egemen.kz.
جاڭا ەرەجەلەرگە سايكەس, ماركەتپلەيستەر وتاندىق ونىمدەردى ىزدەۋ ناتيجەلەرىندە جوعارىراق كورسەتۋگە جانە ارنايى بولىمدەر اشۋعا مىندەتتەلەدى. بۇل شارالار وتاندىق وندىرۋشىلەردى قولداۋعا باعىتتالعان مەملەكەتتىك ساياساتتىڭ ءبىر بولىگى.
قولدانىستاعى زاڭناماعا ساي, ساۋدا ورىندارىندا وتاندىق تاۋارلاردىڭ ۇلەسى كەمىندە 30 پايىز بولۋعا ءتيىس. سونىمەن قاتار, قوسىمشا باعدارلامالار ارقىلى سورە كەڭىستىگىنىڭ تاعى 20 پايىزىنا دەيىن وتاندىق ونىمدەرگە بەرىلۋى مۇمكىن.
ەلىمىزدە يمپورتتىق تاۋارلاردىڭ باعاسى بىرنەشە پايىزعا ارزانداۋى مۇمكىن
مينيسترلىك وكىلدەرىنىڭ ايتۋىنشا, «التىن سورە» قاعيداتى ەنگىزىلىپ, وتاندىق ونىمدەر تۇتىنۋشىعا كورىنەتىن ەڭ قولجەتىمدى ورىندارعا قويىلۋعا ءتيىس.
زەرتتەۋلەر مۇنداي ءتاسىلدىڭ ءتيىمدى ەكەنىن كورسەتكەن. مىسالى, كەيبىر ساۋدا جەلىلەرىندە جۇرگىزىلگەن ەكسپەريمەنت ناتيجەسىندە وتاندىق ىرىمشىك ساتىلىمى 20 پايىزعا ارتقان.
«ىرىمشىك نەگىزگى ازىق-ت ۇلىك تاۋارلارىنىڭ قاتارىنا جاتادى, الايدا بۇل سەگمەنتتە يمپورت ۇلەسى − 47 پايىز. ەكسپەريمەنتتىڭ نەبارى ءتورت اپتاسىندا پيلوتتىق دۇكەندەردەگى ىرىمشىك ساتىلىمى 20 پايىزعا ءوستى. بۇل وتە جوعارى كورسەتكىش. ەكسپەريمەنت ناتيجەسى ەل تۇرعىندارىنىڭ «ەكونوميكالىق پاتريوتيزمگە» دايىن ەكەنىن كورسەتتى», دەدى مەملەكەتتىك باسقارۋ جانە مىنەز-ق ۇلىقتىق مەملەكەتتىك ساياسات ورتالىعىنىڭ ديرەكتورى سالتانات دجانەنوۆا.
رەسەي قازاقستاننان كەلەتىن تاۋارلارعا جاڭا تالاپ ەنگىزەدى
جاڭا تالاپتاردىڭ ورىندالۋىن باقىلاۋ كۇشەيتىلىپ, ەرەجەلەردى بۇزعاندارعا اكىمشىلىك شارالار قولدانىلماق.
نۇربولات امانبەك