پاۆلودار. 17 اقپان. پاۆلودارداعى «قازاقستان ءاليۋمينيى» اكتسيونەرلىك قوعامىندا اۋعانستان جەرىنەن كەڭەس اسكەرىنىڭ شىعارىلعانىنا 27-جىل تولۋىنا بايلانىستى ەڭبەك ەتىپ جۇرگەن ينتەرناتسيونال-جاۋىنگەرلەرگە قۇرمەت كورسەتىلىپ, اقشالاي سىياقىلار بەرىلدى. بۇل جايىندا egemen.kz ءتىلشىسى حابارلادى.
«قازاقستان ءاليۋمينيى» كاسىپورىنىندا 30 ينتەرناتسيونال-جاۋىنگەر ەڭبەك ەتۋدە. ولارعا ماتەريالدىق كومەك جانە زاماناۋي قۇرالدارمەن جابدىقتالعان مەديتسينالىق ورتالىقتا قىزمەت كورسەتەدى. ەلەكترلىك جۇيەلەر تسەحىنىڭ باستىعى گەننادي ۆولكوۆ ماراپاتتالدى. ول بۇرىنعى موتواتقىشتار بولىمشەسىنىڭ پۋلەمەتشىسى بولعان. قازىر كاسىپورىنداعى ەلەكترلى جۇيەلەر تسەحىن باسقارادى. بۇل كۇنى اۋعان سوعىسىنا قاتىسقان كەشەگى جاۋىنگەرلەر, بۇگىنگى مەتاللۋرگتەر قالالىق ءىس-شارالارعا دا قاتىستى. وبلىس ورتالىعىنداعى «داڭق» ەسكەرتكىشىنىڭ جانىندا وتكەن ميتينگتە وزدەرىنىڭ قارۋلاستارىن ەسكە الدى.
فاريدا بىقاي.
دەرەك, سۋرەت: egemen.kz.