ترانزيتتىك بايلانىستىڭ تىڭ باعىتتارى

سايلاۋ-2016 كەشە ورتالىق سايلاۋ كوميسسياسىندا سايلاۋ بيۋللەتەنىنە ساياسي پارتيالاردىڭ اتاۋلارىن رەتىمەن ەنگىزۋ ماقساتىندا جەرەبە تارتۋ شاراسى بولىپ ءوتتى. قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆ باكۋدە ازەربايجان رەسپۋبليكاسىنىڭ پرەمەر-ءمينيسترى ارتۋر راسي-زادەمەن كەلىسسوزدەر جۇرگىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. تاراپتار ەكىجاقتى ساۋ­دا-ەكونوميكالىق قارىم-قاتى­ناس­تاردى, سونداي-اق, بىرلەسكەن جوبالاردى جۇزەگە اسىرۋ جاعدايىن تالقىلادى. باقىتجان ساعىنتاەۆ پەن ار­تۋر راسي-زادە قىتايدىڭ, وڭ­تۇستىك-شىعىس ازيا, ورتالىق ازيا, كاۆكاز جانە ەۋروپا ەلدەرى­نىڭ كولىك كومپانيالارىن تارتۋ جو­لىمەن جوباعا قاتىسۋشىلار گەو­گرافياسىن ۇلعايتۋ ونى تابىستى جۇزەگە اسىرۋدىڭ كەپىلى بولا­تىنىن اتاپ كورسەتە وتىرىپ, ترانسكاسپي حالىقارالىق كو­لىك باعىتىن دامىتۋدىڭ ماڭىز­دىلىعىنا نازار اۋداردى. قازاقستاننىڭ ءبىرىنشى ۆيتسە-پرەمەرى كاسپي تەڭىزىن­دەگى قازاقستاندىق جانە ازەر­باي­جاندىق پورتتار اراسىنداعى ءوزارا ىقپالداستىقتىڭ بەلسەندىلىگىن ارتتىرۋدى ۇسىندى. ونىڭ پىكى­رىنشە, ول جۇكتەردى وڭدەۋ ۋاقىتىن ودان ءارى قىسقارتۋعا جاعداي جاساپ, كليەنتتەر ءۇشىن قوسىمشا مۇمكىندىكتەر تۋعىزاتىن بولادى. باقىتجان ساعىنتاەۆ, سونداي-اق, ازەربايجان پرەمەر-مينيس­ترى­نىڭ ءبىرىنشى ورىنباسارى ياگۋب ەيۋبوۆپەن دە كەلىسسوز­دەر جۇرگىزدى. ونىڭ بارىسىندا ونەر­كاسىپتىك ارىپتەستىك, كولىك ءترانزيتى سالاسىنداعى ىنتىماقتاستىقتى نىعايتۋ ماسەلەلەرى تالقىلاندى. ونىڭ سىرتىندا باقىتجان سا­عىنتاەۆ اليات كەنتىندەگى جانە باكۋ قالاسىنداعى تەڭىز پورت­تارى­نىڭ جۇمىسىمەن تانىستى.