ورتالىق سايلاۋ كوميسسياسى توراعاسىنىڭ ورىنباسارى ۆلاديمير فووس قازاقستان رەسپۋبليكاسىنداعى ۇلىبريتانيا جانە سولتۇستىك يرلانديا بىرىككەن كورولدىگىنىڭ ەلشىلىگى ميسسياسى باسشىسىنىڭ ورىنباسارى سارا پيكەرينگپەن كەزدەستى.
كەزدەسۋدە تاراپتار اعىمداعى سايلاۋ ناۋقانىنىڭ كەزەڭدەرى مەن ەرەكشەلىكتەرىن, داۋىس بەرۋ قورىتىندىلارى بويىنشا داۋىستاردى ساناۋ ءراسىمىن, قازاقستان حالقى اسسامبلەياسىنان سايلاناتىن پارلامەنت ءماجىلىسى دەپۋتاتتارىن سايلاۋدى جانە ءماسليحاتتار دەپۋتاتتارىن سايلاۋدى وتكىزۋ ءتارتىبىن تالقىلادى. سارا پيكەرينگ قازاقستاننىڭ جاعىمدى تاجىريبەسى رەتىندە الەمدەگى قازىرگى قارجى داعدارىسى جاعدايىندا ەكى سايلاۋدى قوسىپ وتكىزۋ ناتيجەسىندە مۇمكىن بولعان بيۋدجەت قاراجاتىنىڭ ۇنەمدەلەتىنىن اتاپ ءوتتى.
ال ۆ. فووس سايلاۋ ۇدەرىسىن ۇيىمداستىرۋ سالاسىندا تاجىريبە الماسۋ ءتۇرلى ەلدەردىڭ سايلاۋ ورگاندارى اراسىنداعى ەكىجاقتى قاتىناستاردىڭ دامۋىنىڭ ءتيىمدى ادىستەرىنىڭ ءبىرى ەكەنىن, سونداي-اق, ۇلتتىق سايلاۋ جۇيەلەرىن ودان ءارى دامىتۋدىڭ جانە جەتىلدىرۋدىڭ جاڭا جولدارى مەن ادىستەرىن ايقىنداۋ بولىپ تابىلاتىنى جونىندە پىكىر ءبىلدىردى.
كەزدەسۋگە ورتالىق سايلاۋ كوميسسياسىنىڭ مۇشەلەرى م. سارسەمباەۆ پەن ت. وحلوپكوۆا قاتىستى.
ءاليسۇلتان قۇلانباي,
«ەگەمەن قازاقستان».