ون-لاين رەجىمىندە اقپارات الماسادى

[caption id="attachment_23855" align="alignnone" width="560"] ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟[/caption] كەشە استانادا «بىرلىك» پارتياسىنىڭ سايلاۋال­دى شتابى اشىلدى. 10-عا تارتا قىزمەتكەر جۇمىس ىستەيتىن شتاب بارلىق قاجەتتى تەحنيكالىق قۇرالدارمەن جاب­دىقتالعان. سونداي-اق, سايلاۋشىلاردى قابىلدايتىن ارنايى بولمەلەرمەن جاساقتالعان. ساياسي پارتيانىڭ سايلاۋالدى شتابتارى ازىرگە ەلىمىزدىڭ 8 وڭىرىندە جانە الماتى مەن استانا قالالارىندا اشىلىپ وتىر. اپتانىڭ سوڭىنا دەيىن مۇنداي شتاب ەلىمىزدىڭ بارلىق ايماعىندا ءوز جۇمىسىن باستاماق. پارتيا توراعاسىنىڭ ورىنباسارى تولەگەن قۋانىشەۆ: «استاناداعى باس كەڭسە مەن وبلىس ورتالىقتارىنداعى فيليالداردىڭ ون-لاين رەجىمدە جەدەل اقپارات الماسۋىنا قاجەتتى جاعداي جاسالعان. «بىرلىك» پارتياسى سايلاۋشىلاردىڭ كوكەيكەستى سۇراقتارىنا جاۋاپ بەرۋگە دايىن», – دەي كەلە, پارتيا وكىلدەرى سايلاۋ ناۋقانى كەزىندە ۇگىت-ناسيحات شارالارىن زاڭ اياسىندا جۇرگىزەتىندىگىن جەتكىزدى. «بىرلىك» پارتياسى توراعاسىنىڭ تاعى ءبىر ورىنباسارى بولات بايقاداموۆ سايلاۋالدى شتابتىڭ اشىلۋ كەزىندە سالتاناتتى تۇردە لەنتا قيدى. ءلايلا ەدىلقىزى, «ەگەمەن قازاقستان».