شىعىس قازاقستان وبلىسىنىڭ شەمونايحا قالاسىندا جاڭا ينفەكتسيالىق اۋرۋحانانىڭ قۇرىلىس الاڭىنان ادام سۇيەكتەرى تابىلدى. بۇل جاعداي جەرگىلىكتى تۇرعىندار اراسىندا ۇلكەن ۇرەي تۋعىزىپ, الەۋمەتتىك جەلىلەردە قىزۋ تالقىلانىپ جاتىر, دەپ حابارلايدى Egemen.kz.
جۇمىس قىزىپ جاتقان الاڭنان ادام قاڭقالارىنىڭ شىعۋى تۇرعىنداردى ەسكى قورىمدار تۋرالى ويعا قالدىردى. جۇرتشىلىق «بۇل جەردە ونداعان جىلدار بۇرىن قاۋىپتى ينفەكتسيادان كوز جۇمعاندار جەرلەنگەن بولۋى مۇمكىن» دەپ قاۋىپتەنەدى.
شەمونايحا اۋدانىنىڭ اكىمدىگى بۇل جەردە بۇرىن شىنىمەن دە ينفەكتسيالىق اۋرۋحانا بولعانىن جانە ونىڭ جانىندا جەرلەۋ راسىمدەرى وتكىزىلگەنىن راستادى. الايدا, شەنەۋنىكتەر ۇرەيگە بوي الدىرۋعا نەگىز جوق ەكەنىن العا تارتىپ وتىر. مامانداردىڭ ايتۋىنشا, بۇل ۋچاسكەگە بايلانىستى ەشقانداي قاۋىپتى ىندەت وشاقتارى تىركەلمەگەن.
قازىرگى ۋاقىتتا تابىلعان سۇيەكتەردى قولدانىستاعى زيراتقا قايتا جەرلەۋ جوسپارلانعان. بيلىك وكىلدەرى بارلىق پروتسەدۋرالار زاڭ تالاپتارىنا ساي, سانيتارلىق قاۋىپسىزدىك شارالارىن قاتاڭ ساقتاي وتىرىپ جۇرگىزىلەتىنىنە ۋادە بەردى.