پارلامەنت ءماجىلىسى مەن بارلىق دەڭگەيدەگى ماسليحاتتارعا ۇمىتكەرلەردى تىركەۋ تالدىقورعان وڭىرىندەگى سايلاۋ كوميسسيالارىندا دا زاڭناما شەڭبەرىندە جۇرگىزىلۋدە.
«10 اقپانعا دەيىن تالدىقورعان قالالىق ءماسليحاتى دەپۋتاتتىعىنا 31 ۇمىتكەر ءوزىن ءوزى ۇسىنسا, ال قوعامدىق بىرلەستىكتەر 19 ۇمىتكەردى ۇسىندى. وسى ۇمىتكەرلەردىڭ 12-ءسىن زاڭ تالابىنا ساي تىركەپ, قۇجاتتارىن تولتىرىپ وبلىستىق سايلاۋ كوميسسياسىنا بەردىك. ساراپتاما جۇرگىزگەنىمىزدە ۇمىتكەر بولعان 50 ادامنىڭ 31-ءى ەر ازاماتتار, 19-ى ايەلدەر بولدى. نەگىزى, ۇسىنۋ, تىركەۋ, ۇگىت-ناسيحات دەگەن ءۇش كەزەڭنەن تۇراتىن سايلاۋ ناۋقانى قالامىزداعى 51 سايلاۋ ۋچاسكەسىندە وتەدى. ارقايسىسىندا 7 ادامنان مۇشەسى بار سايلاۋ ۋچاسكەلەرى تۇراقتى تۇردە 19 اقپاننان باستاپ تۇنگى 12-گە دەيىن جۇمىس ىستەيتىن بولادى. بۇل – زاڭ تالابى», – دەيدى تالدىقورعان قالالىق سايلاۋ كوميسسياسىنىڭ توراعاسى داۋلەت ءجۇنىسوۆ.
نۇربول الدىباەۆ,
«ەگەمەن قازاقستان».
الماتى وبلىسى.