استانا. 12 اقپان. الماتىدا ەلباسى نۇرسۇلتان نازارباەۆ اقىن, قوعام قايراتكەرى ولجاس سۇلەيمەنوۆپەن كەزدەستى. بۇل تۋرالى akorda.kz سايتىنا سىلتەمە جاساعان egemen.kz ءتىلشىسى حابارلادى.
كەزدەسۋدە ەلىمىزدىڭ قارۋسىزدانۋ جانە يادرولىق قارۋدى تاراتپاۋ سالاسىنداعى قىزمەتى تالقىلانىپ, مەملەكەت باسشىسىنىڭ سەمەي يادرولىق پوليگونىن جابۋ تۋرالى جارلىققا قول قويۋىنىڭ 25 جىلدىعى اياسىندا وتەتىن ءىس-شارالارعا دايىندىق ماسەلەلەرى قاراستىرىلدى.
سونىمەن بىرگە ەلباسى قازىرگى گەوساياسي جاعدايدىڭ قيىنداپ بارا جاتقانىن ايتا كەلىپ, بەيبىتشىلىك پەن قاۋىپسىزدىكتى ساقتاۋدا قازاقستاننىڭ ۇستانىپ وتىرعان ساياساتىنىڭ ماڭىزدىلىعىن اتاپ ءوتتى. جازۋشى ولجاس سۇلەيمەنوۆ ءوز كەزەگىندە جاھاندىق انتيادرولىق قوزعالىسقا مەملەكەتتەردىڭ عانا ەمەس, قوعامدىق ۇيىمداردىڭ كۇش-جىگەرى مەن ازاماتتىق باستامالاردىڭ ماڭىزدىلىعىنا نازار اۋداردى.
داستان كەنجالين.
دەرەك, سۋرەت: akorda.kz