اقتوبە. 12 اقپان. اقتوبە قالاسىنداعى ساعي جيەنباەۆ اتىنداعى وبلىستىق جاسوسپىرىمدەر كىتاپحاناسىندا ۇيىمداستىرىلعان اقيىق اقىن مۇقاعالي ماقاتاەۆتىڭ تۋعانىنا 85 جىل تولۋىنا ارنالعان «مەن ءومىردى جىرلاۋ ءۇشىن كەلگەنمىن» اتتى پوەزيا كەشى ءوتتى. وعان «شۇعىلا» ادەبي-شىعارماشىلىق بىرلەستىگىنىڭ مۇشەلەرى مەن ستۋدەنتتەر قاتىستى. بۇل تۋرالى egemen.kz ءتىلشىسى حابارلادى.
كەشتە كىتاپحانانىڭ «اق قاۋىرسىن» پوەزيا كلۋبىنىڭ مۇشەلەرى اقىننىڭ «جوق, دارىگەر…», «اناما» سياقتى ولەڭدەرىن جاتقا ايتىپ, ارناۋ ولەڭدەرىن وقىدى. اقتوبە گۋمانيتارلىق كوللەدجىنىڭ وقۋشىلارى اقيىق اقىنعا ارناپ «اق ساعىمداي ساعىنىش» اتتى قويىلىم ۇسىندى. سونداي-اق, كەش بارىسىندا وقىرماندارعا اقىننىڭ ءومىرى مەن شىعارماشىلىعى تۋرالى «مۇقىم ەلدىڭ مۇزبالاعى», «مۇقاعالي ەسىمى ماڭگىلىك» اتتى بەينەفيلمنەن ۇزىندىلەر مەن سلايدتار كورسەتىلدى.
شارانىڭ ەكىنشى بولىمىندە «شۇعىلا» ادەبي-شىعارماشىلىق بىرلەستىگىنىڭ مۇشەلەرى «قوش, ماحاببات» پەساسىنان ۇزىندىلەر قويدى. كەش سوڭىندا كوپشىلىككە «مۇقاعالي – ماڭگىلىك عۇمىر» اتتى كىتاپ كورمەسى ۇيىمداستىرىلدى.
ساتىبالدى ءساۋىرباي.
دەرەك: egemen.kz.
سۋرەت: ria.ru.