پاۆلودار. 12 اقپان. الماتىداعى «الاتاۋ» سپورت كەشەنىندە شاڭعى تەبۋ جارىسى ءوز مارەسىنە جەتتى. سايىستا پاۆلودارداعى پەدوگوگيكالىق ينستيتۋت ستۋدەنتتەرى اننا شەۆچەنكو, داريا رياجكو, زۋرا قاليپەنوۆالار كوماندالىق ەستافەتادا بويىنشا توپ جاردى. بۇل تۋرالى egemen.kz ءتىلشىسى حابارلادى.
اننا شەۆچەنكو ۋنيۆەرسيادانىڭ ءۇش التىن مەدالىن يەلەندى. جارىس قورىتىندىسى بويىنشا پاۆلودار مەملەكەتتىك پەداگوگيكالىق ينستيتۋتىنىڭ كومانداسى قىزدار اراسىندا شاڭعى تەبۋدەن ءابسوليۋتتى جەڭىمپاز اتاندى. ال, كونكي تەبۋشىلەر كومانداسى-1998 جىلعى وليمپيادا ويىندارىنىڭ كونكيمەن جۇگىرۋ سپورتىنان قولا مەدال جۇلدەگەرى, ينستيستۋت تۇلەگى ليۋدميلا پروكاشەۆانىڭ شاكىرتتەرى. اتاقتى كونكيشى جۇلدەگەرلەردى ماراپاتتاۋ راسىمىنە قاتىستى.
ايتا كەتەيىك, اتالعان وقۋ ورنىندا سپورت كلۋبى جۇمىس جاسايدى. نەگىزگى ماقساتى – ستۋدەنت جاستاردىڭ دەنە تاربيەسى جانە سپورتقا قىزىعۋشىلىقتارىن دامىتۋ. ستۋدەنتتىك كوماندالاردى قالالىق, وبلىستىق جانە حالىقارالىق جارىستار مەن ۋنيۆەرسيادالارعا قاتىسۋلارىنا دايىنداپ كەلەدى. وقۋ ورنىندا سپورتتىق زال, كۇرەس, گيمناستيكالىق زال, بوكس زالى, شىنىعۋ زالى, ۇستەل تەننيسى, ءجۇزۋ باسسەينىمەن, سپورت الاندارى, كوپتەگەن سەكتسيالارى بار. سپورتتىق كلۋبقا 600 دەن استام ستۋدەنت قاتىسادى.
فاريدا بىقاي.
دەرەك, سۋرەت: egemen.kz.