وتكەن جىلى اگروونەركاسىپتىك كەشەن سالاسىن قارجىلاندىرۋعا 363 ملرد.تەڭگە باعىتتالدى. وسى قاراجاتتىڭ 64 ملرد.تەڭگەسى اوك سۋبەكتىلەرىن قارجىلاي ساۋىقتىرۋعا جۇمسالدى. بۇل شامامەن 2 ملن.گەكتار ەگىستىك الاڭى اينالىمىن جانە 8 مىڭعا جۋىق وندىرىستەگى جۇمىس ورىندارىن ساقتاپ قالۋعا ىقپال ەتتى. وسى رەتتە, قارجىلاي ساۋىقتىرۋعا قول جەتكىزگەن اگروونەركاسىپتىك كەشەن سۋبەكتىلەرىنىڭ قارجىلىق جۇكتەمەسى ايىپپۇلدار مەن وسىماقىلارىن شىعىسقا شىعارۋ ەسەبىنەن 1,8 ملرد.تەڭگەدەن استام سوماعا تومەندەدى.
وسىلاي دەدى پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا «قازاگرو» ۇلتتىق باسقارۋشى حولدينگى» اق باسقارما توراعاسى نۇرلىبەك مالەلوۆ. ونىڭ ايتۋىنا قاراعاندا, 2015 جىلى قاراجاتتىڭ كوپ بولىگى حولدينگ تاراپىنان نەسيەلەۋ مەن ليزينگكە باعىتتالعان. شامامەن 15,5 مىڭ نەسيە بەرىلىپ, 4 مىڭ بىرلىكتەن استام اۋىلشارۋاشىلىق تەحنيكاسى ساتىپ الىنىپ, ليزينگكە بەرىلگەن. جانە دە وتكەن جىلدىڭ قورىتىندىسى بويىنشا, اگرونەركاسىپتىك كەشەنىنىڭ نەسيە قورجىنىنداعى حولدينگ ۇلەسى 43%-دى قۇرادى. وسى رەتتە 49 مىڭ قارىز الۋشى حولدينگتىڭ تۇتىنۋشىلارى بولىپ تابىلادى.
سونىمەن قاتار, حولدينگتەگى اگرارلىق سەكتوردى نەسيەلەۋدىڭ جالپى كولەمىندەگى شاعىن جانە ورتا بيزنەستىڭ ۇلەسى 88% بولىپ وتىر. جانە دە «قازاگرو» كومپانياسى توبىمەن جۇزەگە اسىرىلاتىن باعدارلامالاردىڭ ەسەبىنەن 29 مىڭنان استام ادام جۇمىسپەن قامتىلىپ, جاڭا جۇمىس ورىندارى اشىلدى. ال ەگىن ەگۋ جانە جيناۋ ناۋقانىنا بيۋدجەتتىك نەسيەنى ەسەپتەگەندە حولدينگ تاراپىنان 101,2 ملرد.تەڭگە باعىتتالىپ, بۇل جالپى 6,5 ملن.گا الاڭدا بارلىق قاجەتتى اگروتەحنيكالىق شارالاردى جۇرگىزۋگە مۇمكىندىك بەردى, دەدى حولدينگتىڭ باسقارما توراعاسى.
بيىلعى جىلى كوكتەمگى-ەگىس جانە وراق جۇمىستارىن قارجىلاندىرۋ ءۇشىن «قازاگرو» حولدينگىنە 60 ملرد.تەڭگە بيۋدجەتتىك نەسيە قاراجاتى بەرىلىپ, ونى قارىز تۇرىندە حولدينگتىڭ ەنشىلەس ۇيىمدارى مەن بانكتەردىڭ اراسىندا ءبولۋ بولجانىپ وتىر. بۇل رەتتە ونىڭ ەنشىلەس كومپانيالارى – اگرارلىق نەسيە كورپوراتسياسى مەن ازىق-ت ۇلىك كەلىسىمشارت كورپوراتسياسى ءوز كەزەگىندە, اۋىلشارۋاشىلىق تاۋار وندىرۋشىلەرىن تىكەلەي جانە اۋىلدىق نەسيە سەرىكتەستىكتەرى مەن شاعىن جانە قارجى ۇيىمدارىنىڭ كەڭەيتىلگەن ايماقتىق جەلىلەرى ارقىلى دا قارجىلاندىرا الادى. ەلدەگى كۇردەلى نارىق جاعدايىنا قاراماستان, بيۋدجەتتىك قارجىلاندىرۋ وتكەن جىلدارداعى سياقتى اوك سۋبەكتىلەرىن نەسيەلەۋ شارتتارىن ساقتاپ قالۋعا ىقپالىن تيگىزەدى.
سونداي-اق, حولدينگتىڭ اوك-ءتى نەسيەلەۋدىڭ قولجەتىمدى جۇيەسىن قالىپتاستىرۋ جونىندەگى قىزمەتى بانكتەردى, نەسيە سەرىكتەستىكتەرىن, ليزينگ كومپانيالارىن جانە اوك نەسيەلەۋشى باسقا دا قارجى ۇيىمدارىن قورلاندىرۋ, شاعىن قارجى ۇيىمدارىن قورلاندىرۋ دەڭگەيىن ارتتىرۋ ارقىلى جۇزەگە اسىرىلاتىن بولادى. وسىلايشا, فەرمەرلەر بىرنەشە قارجىلاندىرۋ قۇرالدارىن پايدالانا الادى. مىسالى, ەكىنشى دەڭگەيلى بانكتەر ارقىلى نەسيەلەۋ بويىنشا اۋىلشارۋاشىلىق تاۋار وندىرۋشىلەرى بانكتىڭ رەيتينگىنە بايلانىستى 7,41% مولشەرلەمەمەن نەسيە قاراجاتىن الادى. ال ەكىنشى قارجىلاندىرۋ – اگرارلىق نەسيە كورپوراتسياسىنىڭ ايماقتارداعى وكىلدىكتەرى ارقىلى تىكەلەي ەكىنشى دەڭگەيلى بانكتەردىڭ كەپىلدىگىمەن نەسيەلەۋ بويىنشا بولماق. بۇل رەتتە ولار ءۇشىن نەسيە مولشەرلەمەسىنىڭ جىلدىق كولەمى 5%-دى قۇرايدى, دەپ اتاپ ءوتتى نۇرلىبەك مالەلوۆ.
ەلميرا ماتىباەۆا,
«ەگەمەن قازاقستان».