قارجىلىق مونيتورينگ اگەنتتىگىنىڭ استانا قالاسى بويىنشا دەپارتامەنتى اسا ءىرى كولەمدەگى الاياقتىق فاكتىسى بويىنشا بىرنەشە قۇرىلىس كومپانياسىنىڭ باسشىسى ءمولدىر سۇيىنشالىگە قاتىستى تەرگەپ-تەكسەرۋ جۇرگىزىپ جاتىر, دەپ حابارلايدى Egemen.kz.
تەرگەۋ مالىمەتتەرىنە سايكەس, 2021-2024 جىلدار ارالىعىندا كۇدىكتى «Nura Elite» كوتتەدج قالاشىعىن سالۋ سىلتاۋىمەن ازاماتتاردان قاراجات تارتقان. جوبا اياسىندا 37 كوتتەدج جانە 24 تاۋنحاۋس سالۋ جوسپارلانعانىمەن, بۇگىنگى كۇنى نىساندار تولىق اياقتالماعان.
ساتىپ الۋشىلارمەن الدىن الا ساتىپ الۋ-ساتۋ شارتتارى جاسالىپ, ناتيجەسىندە 56 ادام جابىرلەنۋشى رەتىندە تانىلدى. تارتىلعان قاراجاتتىڭ جالپى سوماسى 3,9 ملرد تەڭگەنى قۇرايدى. تەرگەۋ بارىسىندا ونىڭ 322 ملن تەڭگەسى كۇدىكتىنىڭ, سونداي-اق ونىڭ جاقىن تۋىستارىنىڭ ەسەپشوتتارىنا اۋدارىلعانى, ال 145 ملن تەڭگەسى قولما-قول اقشاعا اينالدىرىلعانى انىقتالعان.
«ماسەلەن, جابىرلەنۋشى تولىق تولەگەن كوتتەدجدىڭ ءبىرى كۇدىكتى تاراپىنان جەكە مىندەتتەمەلەرى بويىنشا كەپىلگە قويىلىپ, كەيىن ءۇشىنشى تۇلعالاردىڭ اتىنا راسىمدەلىپ, بىرنەشە رەت قايتا ساتىلعان. ءسۇيىنشالى ءمولدىر ساتىپ الۋشىلارمەن ءىس جۇزىندە جەر ۋچاسكەلەرىنە قۇقىق بەرۋدى كوزدەيتىن شارتتار جاساسقان, الايدا ولاردى يەلىكتەن شىعارۋعا زاڭدى قۇقىعى بولماعان. ۇلەسكەرلەردىڭ قاراجاتىنىڭ ءبىر بولىگى استانا قالاسىندا «اسىلحان» تۇرعىن ءۇي كەشەنىن سالۋعا ارنالعان جەرتەلىمىن ساتىپ الۋعا جۇمسالعان», دەلىنگەن قارجىلىق مونيتورينگ اگەنتتىگىنىڭ حابارلاماسىندا.
پەريزات قايراتتىڭ Mercedes-Benz كولىگى استانا پوليتسياسىنا بەرىلدى
بۇدان بولەك, قۇرىلىسقا قاجەتتى رۇقسات قۇجاتتارى بولماعانىنا قاراماستان, كۇدىكتى پەريزات قايراتتىڭ ء«بىز بىرگەمىز» قايىرىمدىلىق قورى ارقىلى مۇقتاج ازاماتقا پاتەر بەرىلەتىنى تۋرالى اقپارات جاريالانعان. الايدا ءىس جۇزىندە تۇرعىن ءۇي كەشەنىنىڭ قۇرىلىسى باستالماعان.