ەنەرگەتيكا مينيسترلىگى گەرمانياعا ەكسپورتتالاتىن 260 مىڭ توننا مۇنايدى تاسىمالداۋ باعىتتارىن جوسپارلى تۇردە قايتا بولەتىنىن مالىمدەدى. بۇل شەشىم «درۋجبا» مۇناي قۇبىرى ارقىلى ءترانزيتتىڭ ۋاقىتشا توقتاۋىنا بايلانىستى قابىلدانىپ وتىر, دەپ حابارلايدى Egemen.kz.
ۆەدومستۆو مالىمەتىنشە, بۇل جاعداي جىلدىق مۇناي ءوندىرۋ جوسپارىنىڭ ورىندالۋىنا اسەر ەتپەيدى. بارلىق كولەمدەر بالاما باعىتتارعا قايتا باعىتتالادى:
100 مىڭ توننا مۇناي ۋست-لۋگا پورتى ارقىلى ەكسپورتتالادى; 160 مىڭ تونناسى كاسپي قۇبىر كونسورتسيۋمى جۇيەسىنە جىبەرىلەدى.الەمدىك نارىقتا مۇناي 5 پايىزعا قىمباتتادى
مينيسترلىك وكىلى اسەل سەرىكپاەۆا بۇل وزگەرىستەر جۇك جونەلتۋشىلەرمەن كەلىسىلگەنىن جانە تەك وپەراتسيالىق سيپاتتا ەكەنىن اتاپ ءوتتى.
«اعىنداردى قايتا باعىتتاۋ جۇك جونەلتۋشىلەرمەن كەلىسىلگەن جانە وپەراتسيالىق سيپاتقا يە. تاسىمالداۋ باعىتتارىنىڭ وزگەرۋى مۇناي ءوندىرۋدىڭ جىلدىق جوسپارىنىڭ ورىندالۋىنا اسەر ەتپەيدى. قولدانىستاعى كولىك ينفراقۇرىلىمى قازاقستانعا ەكسپورتتىڭ تۇراقتىلىعىن تولىق كولەمدە قامتاماسىز ەتىپ, الەمدىك نارىقتارعا شيكىزاتتىڭ ۇزدىكسىز جەتكىزىلۋىن ساقتاۋعا مۇمكىندىك بەرەدى», دەدى مينيسترلىكتىڭ رەسمي وكىلى اسەل سەرىكپاەۆا.
گەرمانياعا مۇناي تاسىمالداۋ كولەمى 730 مىڭ تونناعا جەتتى
بۇعان دەيىن ۆەدومستۆو باسشىسى ەرلان اقكەنجەنوۆ رەسەي تاراپىنان ءترانزيتتىڭ توقتاۋى مۇمكىن ەكەنىن, بۇل جاعداي سىرتقى ينفراقۇرىلىمداعى وقيعالارمەن بايلانىستى بولۋى ىقتيمال ەكەنىن ايتقان ەدى. كەيىن بۇل اقپارات رەسمي تۇردە راستالعان.
جالپى ەكسپورت كولەمىندە «درۋجبا» مۇناي قۇبىرى باعىتى ارقىلى جىلىنا شامامەن 3 ميلليون توننا مۇناي جەتكىزىلەدى, ونىڭ نەگىزگى بولىگى گەرمانياعا باعىتتالعان.