پاۆلودار وبلىسى اۋماعىندا بولعان قولايسىز اۋا رايى سالدارىنان تۇرعىندار جاراقات الدى. كۇشتى جەل كەزىندە ۇشقان قۇرىلىس ماتەريالدارى مەن قۇلاعان اعاش بۇتاقتارى ادامداردىڭ ءومىرى مەن دەنساۋلىعىنا قاۋىپ توندىرگەن, دەپ حابارلايدى Egemen.kz.
پاۆلودار وبلىستىق جەدەل جاردەم ستانتسياسىنىڭ مالىمەتىنشە, 41 جاستاعى اقتوعاي اۋدانى تۇرعىنى ءوز اۋلاسىندا گاراج شاتىرىنان قۇلاعان شيفەردىڭ سوققىسىنان جاراقات العان. ول بەت جاراقاتىمەن اۋداندىق اۋرۋحاناعا جەتكىزىلگەن.
سونداي-اق 1992 جىلعى ايەل ادام پاۆلودار قالاسىندا كوشەدە ءجۇرىپ كەلە جاتقان ساتتە اعاش بۇتاعىنىڭ قۇلاۋىنان زارداپ شەككەن. زارداپ شەگۋشى مەديتسينالىق مەكەمەگە جەتكىزىلگەن.
مەديتسينالىق قىزمەت وكىلدەرىنىڭ ايتۋىنشا, بارلىق ناۋقاستارعا قاجەتتى كومەك كورسەتىلىپ جاتىر.
پاۆلوداردا سالىنىپ جاتقان ەرتىس كوپىرىندە ەكىنشى رەت ءورت شىقتى
بۇدان بولەك, 29 شاتىر ۇشىپ, كوپقاباتتى جانە جەكە ۇيلەر, الەۋمەتتىك نىساندار زارداپ شەككەن. ەلەكتر جەلىلەرىنىڭ ۇزىلۋىنە بايلانىستى 36 ەلدى مەكەندەگى 5 مىڭعا جۋىق ابونەنت جارىقسىز قالعان. توتەنشە جاعداي سالدارىن جويۋ جۇمىستارى كۇنى بويى جۇرگىزىلىپ, بىرقاتار اقاۋلار قالپىنا كەلتىرىلگەن.
قاراعاندى وبلىسىندا دا جەلدىڭ ەكپىنى 25-33 م/س-قا دەيىن جەتكەن. سونىڭ سالدارىنان تۇرعىن ۇيلەر, الەۋمەتتىك جانە اكىمشىلىك نىساندار, سونداي-اق كوممۋنالدىق ينفراقۇرىلىم زاقىمدانعان.
ەلىمىزدىڭ بىرنەشە وبلىسىندا تۇندە ۇسىك جۇرەدى: 28 ساۋىرگە ارنالعان اۋا رايى بولجامى
جۇلدىز ەلدى مەكەنىندە قاتتى جەل سالدارىنان جەرگىلىكتى مەكتەپتىڭ شاتىرى ۇشىپ, امامەن 400 شارشى مەتر شاتىر جەرگە قۇلاعان. سونىمەن قاتار تۇرعىن ۇيلەر مەن كولىكتەردىڭ تەرەزەلەرى سىنعان جاعدايلار تىركەلگەن.
ماماندار تۇرعىندارعا قولايسىز اۋا رايى كەزىندە قاۋىپسىزدىك شارالارىن ساقتاپ, اشىق اۋماقتاردا جۇرمەۋگە كەڭەس بەرەدى.