بۇرىن ادامعا جاي, ياعني نايزاعاي تۇسكەن وقيعاسىن كوپ ەستيتىن ەدىك. سونىڭ ىشىندە مۇنداي وقىس وقيعالار ءۇندىستان جەرىندە ءجيى بولىپ تۇرادى. ال ەندى ەجەلگى گانگ وزەنىنىڭ جاعاسىندا بۇدان دا زور دەرەك – ادامعا شاعىن مەتەوريتتىڭ تۇسكەنى تۋرالى حابار جەتىپ وتىر.
ەگەر بۇل راس بولسا, ول الەمدەگى وسىنداي ءبىرىنشى وقيعا بولماق. بۇقارالىق اقپارات قۇرالدارىنىڭ حابارلاۋىنشا, بۇل جولى «جاسىل جورتقىش» ۇندىستانداعى ەرەكشە وقيعا تاميلناد شتاتىندا ورىن العان. اتاپ ايتقاندا, 6 اقپان كۇنى تاڭەرتەڭ جەكە ينجەنەرلىك كوللەدجدىڭ كامپۋسى تەرريتورياسىنا شاعىن مەتەوريت كەلىپ تۇسكەن. وسىدان جارىلىس تۋىپ, سونىڭ سالدارىنان جاقىن ماڭداعى عيماراتتار مەن اۆتوبۋستاردىڭ تەرەزەلەرى قيراپ قالعان. جارىلىس ناتيجەسىندە ءۇش ادام جاراقات العان. ال ءبىر ادام – اۆتوبۋس جۇرگىزۋشىسى سول جەردە قازا تاپقان.
ەگەر ماماندار جارىلعان شىن مانىندە مەتەوريت بولىپ شىققانىن راستاپ بەرەتىن بولسا, بۇل تاريحتا ادام بالاسىنىڭ سونىڭ سالدارىنان ءبىرىنشى رەت قازا تابۋى بولىپ تابىلادى.
مۇرات ايتقوجا.