الماتى وبلىسىندا بوپسالاۋ جانە قاراقشىلىق ارەكەتتەرگە قاتىسى بار دەگەن كۇدىكپەن ءبىر توپ ادام ۇستالدى. ۋاقىتشا ۇستاۋ يزولياتورىنا قامالعان ولارعا تەرگەۋ امالدارى جۇرگىزىلىپ جاتىر, دەپ جازادى Egemen.kz.
وبلىستىق پوليتسيا دەپارتامەنتىنىڭ مالىمەتىنشە, وقيعا 17 ساۋىرگە قاراعان ءتۇنى تالعار اۋدانىندا بولعان. الدىن الا دەرەكتەرگە سايكەس, كۇدىكتىلەر 28 جاستاعى ەر ادامدى الدىن الا جوسپارلانعان تاسىلمەن ادامدار سيرەك جۇرەتىن جەرگە الداپ شاقىرعان. كەيىن ولار جابىرلەنۋشىنى پىشاقپەن قورقىتىپ, كۇش قولدانىپ, دەنە جاراقاتىن سالعان. بۇدان سوڭ ونى كۇشتەپ تاۋلى ايماققا الىپ كەتكەن.
ەلىمىزدە نەكەگە ماجبۇرلەۋ مەن ادام ۇرلاۋعا قاتىستى زاڭ وزگەرەدى
پوليتسيا دەرەگىنشە, قاسكويلەر جابىرلەنۋشىنى «زاڭسىز ارەكەتتەر جاسادى» دەگەن جالعان اقپاراتتى قۇقىق قورعاۋ ورگاندارىنا تاراتامىز دەپ قورقىتىپ, 10 ميلليون تەڭگە تالاپ ەتكەن. سونىمەن قاتار قۇنى شامامەن 17 ميلليون تەڭگە بولاتىن اۆتوكولىگىن كەپىل رەتىندە الىپ قويعان.
الماتى وبلىسى پد باستىعى مەيرام ابىكەەۆتىڭ ايتۋىنشا, قازىرگى ۋاقىتتا سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر. تەرگەۋ بارىسىندا وقيعانىڭ بارلىق ءمان-جايى انىقتالىپ, ۇستالعانداردىڭ وزگە دە وسىعان ۇقساس قىلمىستارعا قاتىسى بار-جوعى تەكسەرىلەدى.
بالا ۇرلاۋ ءىسى: اقتوبەدە بەلگىسىز بىرەۋ كىشكەنتاي قىزدى الىپ كەتپەك بولعان