ەلىمىزدە «مەملەكەتتىك قىزمەت تۋرالى» زاڭ قابىلدانىپ, بيىلعى جىلدىڭ 1 قاڭتارىنان قولدانىسقا ەنگىزىلدى. ياعني, قازاقستاندا مەملەكەتتىك قىزمەتتى دامىتۋدىڭ جاڭا كەزەڭى باستاۋ الدى. مەملەكەتتىك اپپاراتتىڭ تيىمدىلىگىن ارتتىرۋدا قولعا الىنعان شارالار جۇيەنى جانداندىراتىن بولادى. ەڭ باستىسى – اكىمشىلىك مەملەكەتتىك قىزمەتشىنىڭ مانسابى ونىڭ بىلىكتىلىگى مەن جيناقتاعان ءتاجىريبەسى ەسەپكە الىنا وتىرىپ قۇرالادى. مانساپتىق ساتىنىڭ ءار باسپالداعىندا ول ءوزىنىڭ كاسىبي جارامدىلىعىن ءدالەلدەپ وتىرۋى قاجەت. مەملەكەتتىك قىزمەت سالاسىن جەتىلدىرە وتىرىپ, جەمقورلىقتى ازايتۋعا قول جەتكىزىلەدى. ءبىر ءسوزبەن ايتقاندا, مەملەكەتتىك قىزمەتشىلەرگە تالاپ كۇشەيتىلەتىن بولادى.
سونداي-اق, مەملەكەتتىك قىزمەتشىلەر ورتاسىندا ەتيكالىق نورمالاردى بۇزۋعا اكەلەتىن ءجانە جەمقورلىق قۇبىلىستار تۋىنداتاتىن جاعدايلاردىڭ الدىن الۋ بويىنشا قاتاڭ شارالار قاراستىرىلعان.
مەملەكەتتىك قىزمەتشىلەردىڭ جۇمىس پەن تۇرمىستاعى ءجۇرىس-تۇرىسىنىڭ قالىپتارى رەگلامەنتتەلگەن مەملەكەتتىك قىزمەتشىلەردىڭ جاڭا ەتيكالىق كودەكسى جاساقتالدى. ەندىگى كەزەكتە مەملەكەتتىك قىزمەتشىلەر تەك قىزمەتكەر عانا ەمەس, حالىق اراسىندا بەدەلدى جانە ۇلگى تۇتاتىن تۇلعالارعا اينالۋى ءتيىس.
ۇلت جوسپارىنداعى ءبىرىنشى رەفورمانىڭ ءمانى مەملەكەتتى كاسىبيلەندىرۋ بولىپ تابىلادى. دەمەك, «100 ناقتى قادامنىڭ» العاشقى 15 قادامى مەملەكەتتى كاسىبيلەندىرۋگە باعىتتالعانى بەكەر ەمەس. سەبەبى, مەملەكەتتى كاسىبيلەندىرۋدەن باستالاتىن وسى رەفورما تۇرعىنداردىڭ ەكونوميكالىق جانە ازاماتتىق بەلسەندىلىكتەرىن ارتتىرۋعا قۋاتتى سەرپىن بەرەتىن بولادى.
جالپى العاندا, ءبىز ءوزىمىزدىڭ قازاقستاندىق ارمانىمىزعا تىڭ سەرپىلىس جاساي وتىرىپ, دامىعان 30 ەلدىڭ قاتارىنا ەنۋ ماقساتىمىزعا جەتەمىز دەپ سەنەمىن.
عالىم تۇرسىنباەۆ,
مەملەكەتتىك قىزمەت ىستەرى مينيسترلىگىنىڭ جامبىل وبلىسى بويىنشا دەپارتامەنتى باسشىسىنىڭ ورىنباسارى.
تاراز.