قىز بالانى اسپەتتەپ «نازىك جاندى» دەپ جاتامىز. ال ەندى قىسىلتاياڭ شاقتاردا سول ءناپ-نازىك دەپ جۇرگەن جاندارىڭنىڭ ءوزى ەر ادامنىڭ قولىنان كەلمەس شارۋانى اتقارىپ تاستايتىنى بار. ءدال وسىنىڭ دالەلىندەي, قاراعاندى قالاسىنداعى جەكە-مەنشىك فيرمانىڭ بىرىندە وقىس وقيعا ورىن الدى.
بەتپەردە كيگەن بەلگىسىز بىرەۋ وپەراتور-كاسسير نازگۇل اققۇلينا وتىراتىن جۇمىس ءبولمەسىنە كىرىپ كەلىپ, پىشاق كەزەپ, اقشا تالاپ ەتكەن. سول ساتتە-اق نازگۇل دە الگى قاراقشىنىڭ وزىنە تاپ بەرگەن. مۇندايدى كۇتپەگەن توناۋشى ابدىراپ قالىپتى. مۇنى بايقاعان وجەت قىز قىلمىسكەردىڭ پىشاعىن قاعىپ ءتۇسىرىپ, وزىنە جارماسا كەتكەن. سودان پوليتسيا قىزمەتكەرلەرى كەلىپ جەتكەنشە جۇرەك جۇتقان قىز قانشا بۇلقىنسا دا توناۋشىنى جىبەرمەي ۇستاپ تۇرىپتى. وبلىستىق ىشكى ىستەر دەپارتامەنتىنىڭ باسشىلىعى قوعامدىق ءتارتىپتى قورعاۋ كەزىندە قايسارلىق تانىتقانى ءۇشىن نازگۇل اققۇلينانى باعالى سىيلىقپەن ماراپاتتادى.
قايرات ءابىلدينوۆ,
«ەگەمەن قازاقستان».
قاراعاندى.