تاجىكستاندا ورىس اتاۋىن الىپ كەلگەن ەڭ سوڭعى قالا – چكالوۆسكىنىڭ اتى وزگەرىپ, ول ەندىگى جەردە بۋستون دەپ اتالاتىن بولدى.
قالانىڭ اتىن اۋىستىرۋ تۋرالى قاۋلىعا تاجىكستان پرەزيدەنتى ەمومالي راحمون قول قويدى. بۋستون – سوعدى (بۇرىنعى – لەنيناباد) وبلىسىنىڭ ءىرى ونەركاسىپ جانە مادەنيەت ورتالىعى. ۇكىمەتتىڭ مالىمدەمەسىندە اتاپ كورسەتىلگەندەي, رەسپۋبليكادا تاعى بىرقاتار قالالار مەن اۋدانداردىڭ, سونداي-اق, ەلدەگى ەڭ كونە قايراققۇم سۋ قويماسىنىڭ اتتارى دا وزگەرگەن.
بۇدان بىلاي ول «باحري توچيك» (تاجىك تەڭىزى) بولىپ اتالادى. ۇكىمەت مالىمدەمەسىندە رەسپۋبليكاداعى قالالار مەن اۋدانداردىڭ, سونداي-اق, سۋ قويماسىنىڭ اتتارىن وزگەرتۋدەگى ماقسات تاريحي اتاۋلاردى قالپىنا كەلتىرۋ, ۇلتتىق قۇندىلىقتاردى ناسيحاتتاۋ جونىندەگى پاتريوتتىق ۇسىنىستار مەن حالىقتىڭ ارمان-مۇددەسىن جۇزەگە اسىرۋ بولىپ تابىلاتىنى ايتىلعان.
مۇرات ايتقوجا.